2017年7月7日 星期五

東京の旅最終回:親臨傳說中的築地市場/與畢生偶像偶遇在台場

醞釀多時,拖了又拖,一拖再拖,足足拖了五個月,我終於都扚起心肝要起筆完成這一篇《東京の旅最終回》。在今集我會先帶大家去傳說中的築地市場四處吃吃逛逛,然後就會到台場遊玩、購物一番。此外,我更會和各位分享一下我跟一位畢生偶像偶遇的經過。好~事不宜遲!現在我們不如就趕快乘坐時光機回到2016年10月20號當天吧!Come On!般若波羅蜜~⏳

咳~正所謂早起的鳥兒就有蟲吃,遲起的鳥兒就吃自己!一大清早,我跟姑姑就馬上要準備往我們的第一個目的地進發!🚈
嗨~大家一定要好好記著這個出口~千萬別走錯啊!👈
嘩哈哈~姑姑~說時遲,那時快,我們又再次來到築地市場啦!(咦~為什麼我會說「又再次」?😨)
一踏入市場,我們就見到一位磨刀師傅正在勤勞的工作著……🔪
咕嚕咕嚕~哎吔~肚子很餓!還是快快去排隊輪籌吧!😐
各位請注意!這間店是不可以用信用卡付費的!💳
哈哈~先拍照後進餐,已經漸漸成為現代都市人的一個習慣。📷
Yeah~在外面等了一小時左右,終於都可以進去吃東西!😋
為免麻煩,我們就選擇了店長推介的Sushi Set, 價錢為¥3780(附送一碗海帶湯)。 🍣
吃飽飽之後第一件事應該立刻做什麼?當然就是要來點飯後甜品啦!🍡
先生小姐~我們店裡所賣的酒全部都是世界第一的!有興趣的話可以買點回去送給你們的親朋好友。🍶
嗯~酒還是太刺激了!好像不太適合我的朋友……如果要買手信,我到這間店買點綠茶粉回去就可以了!🍵
既然一場來到築地市場,我們就順道去逛逛場內的各家店鋪吧!😄
吓~美人妻?是指在我眼前的那位女士嗎?😮
這五個食物擺設還做得頗細緻呢!不過是否值¥2600一個就真是見仁見智了!😆
這間《大江户》客似雲來,好像很好吃的樣子!下次有機會一定要來試試!😛
哦~看來姑姑已經成功找到自己想要的手信了!👏
嘿嘿~我的雷達告訴我,這兒應該有我想要買的東西!👂
那些T-Shirt和環保袋的設計還真不錯!😊



你們又怎會想得到,最後我竟然是被那個24 Hours不眠不休的壽司師傅深深吸引……😂


好漂亮的茶杯啊!我要把它帶回家!💙
買完茶杯,我跟姑姑就離開了築地市場,繼續往下一個目的地進發。👫(本想到場外市場逛逛,但無奈時間實在太緊逼了!😥)
從築地市場到台場是要轉車的,過程如下:搭都營大江戶線坐到汐留駅→出站→轉程海鷗線到台場駅落車便可。👮
落車後步行約6分鐘,我們就來到這座樓高7層,店舖數目約有160間的大型綜合式商場《DiverCity Tokyo》。💑
這裡最受人注目的一個景點,當然就是豎立在商場正門入口旁那座身高達18米的「RG1/1 RX78-2 Gundam Ver.GFT」吧!但可惜,經歷了5年時光,這座立像於2017年3月就將會正式「被退役」,因此,以後大家就再沒有機會一睹其風采了。😟
哎~行著行著……又有點肚餓了!於是,我們便到了這間位於美食廣場的《六厘舍久臨沾麵》找點東西醫醫肚!🍲
這間《久臨》聽說是美食廣場裡人氣最高的店,每到午飯時間就會有很多上班族來排隊幫襯,在此我要特別推介他們這兒的叉燒蔬菜沾麵,麵質彈牙有口感,叉燒肉質鮮嫩,沾湯濃度又剛剛好,實在是一級棒呢!👍
這裡其實還有一間頗出名的章魚燒店,不過我們就不太感興趣。😀
吃完午飯,我跟姑姑就急不及待要展開我們的「手信選購大行動」!💸
住在上層的那隻高達模型真是很有型很威風啊!🌟
價值¥8424的高達金箔玻璃盆,外觀相當精美。🔰
埋單走人之後,我們就決定要到另一個地方再補購一些手信!😁
這間《Calbee Plus》裡面有超多款日本直送的零食供客人選購,我相信凡是零食迷來到這兒都必定會為之瘋狂!👅
要數到此店的最大特色,當然就是他們即叫即炸的薯片和薯條啦!🍟

我告訴你們~這款零食真的真的真的很好吃!😙
這間店的精品看起來都普普通通,沒什麼特別。😶
喝~就隨便掃點零食回去做手信吧!✊
呵呵~我們的手信經已買得七七八八,都是時候要離開這個商場到其他地方遊覽一下!✌
相比起《DiverCity Tokyo Plaza》,我認為這間《AQUA CiTY》的賣點就沒有那麼多了!在這裡唯一能夠吸引到我眼球的地方,相信就只有位於3F的《Coca Cola Store》。👀
作為東京唯一一間Coca Cola官方專門店,這裡的商品種類非常豐富,有些更令人意想不到……👆
各式各樣的文具和餐具,不論男女老幼應該都會喜歡!💁
大家還記得左上角那些可口可樂杯嗎? 當年有誰曾經到麥當勞排隊換領過它們?麻煩請舉手!✋
想不到就連高爾夫球服裝、球具、球帽、手套和球袋都有!⛳
嘻嘻~我已經找到我的心頭好了!你們猜猜是什麼?😜
臨走前,我就在附近的汽水機買了一支小小的Cola來解解渴!哈哈~😗
兩位要走了嗎?OK~Goodbye~歡迎下次再來啊!🗽
離開《AQUA CiTY》之後,在前往下一個目的地途中,我們就發現一眾日劇迷的朝聖地《富士電視台》原來就在旁邊。😏
這就是我們今天最後一個要去的地方,集合了各種新穎時尚的商店及餐廳,樓高7層,位於港區台場1-6-1的《Decks Tokyo Beach》。👥
《Tokyo Joypolis》是東京市中心唯一一間全室內機動遊樂場,樓高3層,總面積近10000平方米。這裡除了有多款刺激又好玩的機動遊戲之外,還有許多極具互動性的設施。機動遊戲每次收費約¥500至¥800,購買任玩套票就會比較划算一點。🎮
由於我和姑姑都不是機迷,所以我們就沒有進去《Tokyo Joypolis》參觀,反而就直接上了位於4F的台場一丁目商店街。👣
一踏入這條充滿懷舊色彩的商店街,一班「一丁目居民」就立刻紛紛走出來跟我們Say聲Hi!👄
一部相當有特色的懷舊汽水機,外型真是Cool到爆!🆒
著名的「日本演歌女王」美空雲雀?那請問你們知道另外那兩位阿姨到底是誰嗎? 😅
想重拾小時候的快樂時光?來這間復古電玩店就對了!🚼
那些非賣品相信已經有N年歷史……🔍
嗚嗚~這兩部扑傻瓜機實在是太令人懷念了!😢
小時候很愛玩的足球機、籃球機、棒球機。⚽🏀⚾
這幾款不同類型的懷舊波子機,相信大家兒時都有玩過。💥
於我而言,SEGA OutRun絕對是遊戲界史上最出色的街機賽車Game,沒有之一。 🚘
什麼?竟然有人膽敢挑戰姑姑女金剛?妳是想找死嗎?🙈
有「馬鞍山胡兆康」之稱的巨鵰過兒究竟能否再一次打破自己所創下的世界紀錄呢?🎳
嘿~為什麼要興奮?為什麼要慶祝?破紀錄本來就是我的工作!你們有見過郵差送完信之後會好很興奮的慶祝嗎?😎
姑姑話我睬你都傻!得閒玩多兩舖機好過!😒
Hello~為答謝深山姑姑和巨鵰過兒的大駕光臨,本店就特意為你們送上一個特別的點歌環節,希望兩位會喜歡我們這個安排!🎵
在芸芸的經典金曲當中,最終我就點了由反町隆史主唱的《GTO》主題曲〈Poison〉。🎶
玩了那麼久,姑姑說都是時候要……上茅廁了!哦~那我就一個人在附近繼續四處逛逛走走吧!👤
小姐~我在《東京之旅第一回》不是已經跟妳說得很清楚了嗎?我們之間是沒可能的!😡
呵呵~這位小姐就可以考慮一下!💋(不用怕不用怕~反正只是個紙牌公仔!管她的!😈)
年輕人請留步!經過幾次簡單的占卜之後,我只想贈你一句:危險,經已在前面……🔮(莫非是姑姑正在找菜刀?💀)
嘩嘩嘩~是我的NO.1偶像Michael Jackson?我沒有眼花吧?天啊~我快要瘋了!😲
哦~原來這一間是MJ產品專賣店!我想占星婆婆剛才所說的「危險」應該是指我的荷包將會大出血吧!😑
Hey~歡迎大家來到我的Mini Wonderland!大家不用客氣,隨便參觀!📢
這間舖的地方不算很大,但產品就十分齊全,可以說是包羅萬有。甫入門口我們就看見一件價值¥21600的MJ戰衣!就正當我想將這件戰衣拿來看看之際,旁邊的姑姑就在我耳邊輕輕的說了一句:「你現在那麼胖,穿起來應該會很像蔡楓華!🐷」
嗚~被人家這樣恥辱,我真是好傷心啊!那我們就繼續去看看這間店的其他產品吧!💔
時鐘、相架、電話殼、襟章、杯,還有各式各樣的書籍、擺設和飾物。那當然,擺放在上面那個黃金人面像同樣也是相當吸睛!🗿
將那張大掛畫放在房間裡,整個環境肯定會立刻變得很有格調。🎨
大家有沒有看到玻璃櫃裡面那件型到爆的「Thriller Jacket」?💘
這兒擺放了很多MJ的LD、雜誌和月曆。📚
那邊就擺放了一些細碟、CD和紀念金幣。💛
如果大家想搜羅MJ的影碟就可以來這個專櫃找找看。📀
Woo~真想不到就連菲林拷貝都有!It's So Amazing!😍
穿不起MJ戰衣,就唯有買件MJ T裇回去作紀念吧!👕
除了MJ的產品外,這間舖其實還有擺放許多不同類型的有趣精品。💝
這件超人褸好看歸好看,但對於我這個大叔來說就太Young了!😭
唏唏呀唏唏呀唏呀唏~團聚分享快樂園地~笑與淚在你我之間~人生多驚喜~我現在的心情就只可以用滿載而歸來形容!實在是太爽啦!😬
咦~趁還有點時間,我們就看看這楝《Decks Tokyo Beach》到底還有什麼地方可以逛吧!👉
在此給所有喜愛Lego的大朋友一個溫馨提示,這個位於3F的《LEGOLAND》是不會招待16歲以上的人士,除非你們有攜同一位小朋友才可跟著一起進場 。👪
此外,在這一層的《杜莎夫人蠟像館》亦是台場其中一個非常知名的旅遊景點。👸
這裡就是《杜莎夫人蠟像館》的精品店。🎬
叮咚叮咚~晚飯時間到!為食兵團又要出發到處覓食了!🍴
哈哈哈哈哈~我承認,我真是一頭無可救藥的超級壽司怪!👾
歡樂的時光過得特別快,又是時候要打道回酒店了!🚦
吃了那麼多東西,臨睡前真的要吃個水果和喝點健美茶來幫助消化!😪
Good Morning~一覺醒來, 當然就要吃過豐富早餐來提提神啦!嗯~吃什麼好呢?這間《博多天神》看起來好像很不錯啊!🐽
但我記得自己曾經說過,臨離開東京前我是一定要再來這間《三國一》用餐的。🍤
吃完一頓極の滿足的早餐後,我們就搭Skyliner返回成田機場。🚞
Come On~最後衝刺!買手信!買手信!買手信!💪
貓~全部都係貓~貓貓貓貓貓~喵喵喵喵喵~🐹
走得太累了~眼皮難免會沉重~你沒錯~是應該進退坐坐~嗯~💤
一連四晚的東京之旅就此結束!Tokyo,Sayonara~👋
哼~你這個奴才捨得回來了嗎?喵~快幫朕鏟屎!然後再幫我梳毛按摩!還要為我提供一個月無限量的零食放題!這樣我才會考慮原不原諒你!💢
奴才遵命~不過可以先讓我去處理那些從日本買回來的手信嗎?🙏
在替那些手信分類的同時,也順便和大家分享一下我的戰利品!😉
我真的好喜歡好喜歡好喜歡那個散紙包啊!💃
這8張演唱會門票儘管只是仿製品,但就一樣極具收藏價值。🎀
各位MJ迷要好好記住這個地址啊!如果有天路過台場,就不妨到這間專賣店血拼一番吧!包保你們一定會有意外收穫!😘
還未看個夠本嗎?不要緊!於不日放映的新片《兩條麻甩痴漢漫遊東京・熱》裡面,我跟老友華Dee就會帶大家到東京繼續喪蒲喪玩喪飲喪食!請放心!這部世紀猛片並不是由《鳩噏院線》發行,絕對不是放流料的!所以,敬請各位一定要好好留意該片的上映日期啊!Oh~時候都不早了!我都是時候要坐時光機回去~Bye Bye!⌛
東京の旅第一回:遊走新宿不夜城

東京の旅第二回:住在池袋的精靈家族/建在屋頂上的陽光水族館

東京の旅第三回:拜訪多啦A夢親生父親/漫步上野動物世界

東京の旅第四回:迷失Yamashiroya玩具天堂/血拼阿美橫丁商店街

190 則留言:

  1. 睇到眼都花,你介紹的東西林林種種,好豐富喔,都唔知點回應你……
    話時話,見到你隻貓貓,咁你有冇買番啲日本貓糧返嚟呀?

    回覆刪除
    回覆
    1. 大家睇得開心就得!😆隻衰仔食開一隻貓糧就唔會忽然間轉另一隻,佢好嘴刁㗎!😼

      刪除
  2. 看到你女友說你現在像蔡楓華那句我笑死了,看來你們互相都很開得對方玩笑。

    回覆刪除
    回覆
    1. 妳就以為啦!講佢一句比佢打到我入醫院都似!😷😭

      刪除
  3. 非常期待《兩條麻甩痴漢漫遊東京・熱》,希望快啲上映

    回覆刪除
    回覆
    1. 啱啱先完咗呢個東京之旅系列,點都應該唞返幾個月先上續集嘅!我哋話晒都唔係嗰啲無良片商嚟㗎嘛!😆😂

      刪除
  4. 早晨小子,你每次寫d遊記都好生鬼,但我其實覺得築地市場有少少名過於實,唔知你有冇咁既感覺?

    回覆刪除
    回覆
    1. 又唔可以咁講嘅!不過比我揀多次我就唔會排成粒鐘隊去食一個壽司set囉!😅

      刪除
    2. 同埋我上個月去東京車站一間壽司店度食嘢,我發覺嗰度啲食物竟然就仲好食過築地市場裡面嗰啲,有機會真係要將佢介紹比大家!😆👍

      刪除
    3. 早晨小子,跪求店名,地址,thx,下個月會去東京.

      刪除
    4. 我手頭上得張圖片,確實地址我要諗辦法搵下!🙏

      刪除
    5. 嚟緊呢兩日放假,可以仔細啲幫你搵下!😆

      刪除
    6. https://gurunavi.com/zh-hant/gdtn704/rst/?__ngt__=TT0d4cf666a006ac1e4ae20fBhh_Ov4xQPr1ETYfIyqkDB

      搵到鳥!😆✌

      刪除
    7. 唔該曬小子!你個人真係幾時都咁有心!

      刪除
  5. 好好睇!OutRun應該係每個麻甩佬細個都最鍾意玩嘅賽車game!

    回覆刪除
    回覆
    1. 而家嗰啲賽車game只不過係畫面靚咗,但就始終都係冇OutRun咁好玩!🚘👍

      刪除
  6. 最近都係掀起一片築地熱,太多人談論分享.

    回覆刪除
    回覆
    1. 但聽聞築地市場好快就會搬去另一個地方……😮

      刪除
  7. 回覆
    1. 擺到而家都唔捨得用!哈哈哈~😂

      刪除
  8. 乜買得咁少野架, 咁點得架, 再去過掃多d......XXD

    回覆刪除
    回覆
    1. 所以上個月再去就大出血了!😂😂

      刪除
  9. 築地市場真係太多太多人喇,我寧願去其他地方食壽司,台場就幾多嘢睇.

    回覆刪除
    回覆
    1. 比我揀多次我都會咁諗!除非係同一啲完全冇去過日本嘅朋友或者係同老人家去……😆

      刪除
  10. 個可樂箱同個散紙包都好正.....

    回覆刪除
    回覆
    1. 真係好正!呢啲嘢喺香港應該買唔到!😆✌

      刪除
  11. 商品琳琅滿目,是喜歡購物者的樂園。
    扑儍瓜機、籃球機我都好懷念。

    回覆刪除
    回覆
    1. 呢啲遊戲機喺香港好似已經買少見少!😥

      刪除
  12. 狂兄,睇到最後我仲以為你會將餅菲林copy買番屋企,哈!

    回覆刪除
    回覆
    1. 哈哈~咁我又冇咁癲!講真,就算將佢拎返戲院都應該播唔到啦!😂

      刪除
    2. 同埋我有少少懷疑餅菲林可能同啲演唱會飛一樣都係仿製品嚟!不過如果係仿製品照計又冇可能會買到咁貴!真係當人哋傻㗎咩?😂😂

      刪除
    3. 我想問其實而家戲院係咪全部都唔用菲林架啦?

      刪除
    4. 基本上就全部都唔用㗎喇!🎥

      刪除
    5. 我覺得咁樣真係好可惜,呢d野簡直就係文化遺產黎

      刪除
    6. 時代要變,我也沒法子,只有在腦海裡面默默懷念……🎥

      刪除
    7. 咁唔知狂兄有冇可能響未來寫一篇關於放映呢個職業既文章呢?

      刪除
    8. 當我決定要寫呢篇文章嗰陣,相信應該係我離開呢個行業嘅時候……🎥

      刪除
  13. 兄弟估下我係邊個?2017年7月7日 下午1:23

    同你條女去你肯定會克制自己D魔性,同華華去果篇應該會精彩好多

    回覆刪除
    回覆
    1. 唔只精彩,仲好三級添!所以未夠18歲嘅朋友就一定需要家長陪同先可以睇!🙈👪

      刪除
  14. 又係個句, 做咩俾我睇到呢D?? T-T

    回覆刪除
  15. 你曳曳la!每次姑姑一行開你就作大反~~~😂
    Co仔唔見你幾日個樣兇到呢~~~好想即刻抱起佢錫番啖~~~😙

    回覆刪除
    回覆
    1. 我諗呢個世界除咗我之外,應該都幾難有人可以喺抱完佢之後全身而退!😾😷

      刪除
    2. 咁惡死???~~你有朋友試過比佢襲擊咩????~~~😂

      刪除
    3. 我班朋友通常未行埋佢度就已經比佢嘅氣勢嚇親!😾

      刪除
    4. 我唔知~~我淨係覺得佢好cutie~~~😙

      刪除
    5. 所以話靚仔真係會多兩封利是!😼

      刪除
  16. 回覆
    1. 睇嚟都好多人認同我嘅品味喎!😎

      刪除
  17. 好鐘意你寫復古電玩店果度,好好睇好好玩。。^_^。。

    回覆刪除
    回覆
    1. 入到去真係會唔捨得走,因為實在有好多回憶喺裡面!😆

      刪除
  18. 你又一再詆毀我嘅形象😠😡

    回覆刪除
    回覆
    1. 我只不過係將真相還原,唔覺有咩問題!🙍

      刪除
    2. 真相就係你成日有意無意醜化我形象!哼哼哼!!!😠😠😠

      刪除
    3. 我多年嚟同您塑造一個女中豪傑嘅形象,計我話您應該要多謝我先至啱!😊

      刪除
    4. 真係多謝曬喎,將我講到成個惡雞乸咁😂

      刪除
    5. 冇啲咁嘅事!喺我所有朋友眼中,您嘅形象絕對係一百零一分!😘

      刪除
  19. 咁係呀嘛!肥過以前咁多,著起黎唔似蔡楓華似邊個?😏😏

    回覆刪除
    回覆
    1. 似劉以達好唔好?👳

      刪除
    2. 問題係根本就唔似,係你自己亂噏當秘笈😏

      刪除
    3. 你去問廚房仔啦!😊

      刪除
    4. 佢亂噏唔你又陪埋佢一齊癲,果然係兩條走失左既傻佬😏

      刪除
    5. 皮膚敏感口腫面腫嗰陣時的確係好似,佢並冇亂噏。🙏

      刪除
  20. 買左好多手信喎,買到心頭好一定好開心,嘻嘻﹗我來日本咁多次都未去過築地市場﹗

    回覆刪除
    回覆
    1. 會唔會係因為築地市場唔係太多靚嘅風景睇呢?😆

      刪除
  21. 睇左咁多野,都係Coco最搶眼,lol~

    回覆刪除
    回覆
    1. 天生靚仔冇辦法!注定可以一世恃靚行兇!😽

      刪除
  22. 回覆
    1. 最後如果唔係我主動將個波掟落坑,呢場波應該可以打足一日!😎🎳✌

      刪除
  23. 由頭笑到落尾!間可口可樂專門店啲嘢睇到我眼都唔眨!!

    回覆刪除
    回覆
    1. 係呀!就算我唔係Cola迷都比佢吸引到!😍

      刪除
  24. 好期待兩條麻甩痴漢漫遊東京・熱!

    回覆刪除
    回覆
    1. 等下先啦兄弟!今個暑假檔期有好多音樂劇要輪住上映!😆🎶🎥

      刪除
  25. 築地市場,還沒有時間去。
    去玩過飽,又買到心頭好,不枉此行啦,哈哈哈

    回覆刪除
    回覆
    1. 要去可能就要趁早囉!😆因為築地市場好似就嚟要搬喇!👉

      刪除
  26. 我諗我去到台場gundam那邊應該會痴咗線,分分鐘會逗留一天。

    回覆刪除
    回覆
    1. 作者已經移除這則留言。

      刪除
    2. 台場好似真係有一間以高達為主題嘅酒店,返到屋企我試下幫你搵搵個地址!😆✋

      刪除
    3. 當真?麻煩曬!真係極之有興趣!

      刪除
    4. http://www.mypacetravel.com/2013/06/台場grand-pacific酒店新高達客房登場!今次是走迷彩路線/

      刪除
  27. 我也很想念東京,看完這篇Blog後再翻看你之前那四輯遊記,令我有點想立刻飛過去的衝動。

    回覆刪除
    回覆
    1. 唔好諗!即刻去!哈哈哈~😂✈🚞

      刪除
  28. 哈哈,笑C我,你地買左好多手信,派曬未?

    回覆刪除
    回覆
    1. 呢篇嘢已經係講緊上年10月嘅事!我就連上個月去東京買嗰啲手信都派完了!😂😂😂

      刪除
  29. 哈哈...我都是先拍照後進餐📷已經漸漸成為一個習慣
    好友☁。゚🌙晚安囉🌜甜夢安睡喇喂🌛💤
    眨吓眼時間過得好快🌦️。゚🌩️╠╣aΡpy週日
     O
       o
     .∧_∧・。◇
     ( ・ω・ )
     |⊃/(___🌟¨*★
    /└-(____/✬º°¨☆✨
    ❉₡Ϡ∵ღೋ๑۩۞۩∴✾¤ஜഐ*

    回覆刪除
    回覆
    1. 正所謂人生苦短!我一定要把握時間周圍去散下心!😬🗽🗿

      刪除
    2. 對的...我都是要把握時間周圍去吃喝玩樂
      🌈好友⛅・゚🌞早晨☕午安&黃昏&傍晚好
      😸我出門去玩貓🐈行吓街市買餸菜先嚟🐾
      ╔═╗💕╠╣aΡpy週二💗
      ║╩╠═╦═╦═╦╦╗☀・゚。♦
      ║╦║╬║╬║╬║║║.☼╭══╮💞
      ╚╩╩╩╣╔╣╔╬╗║╭╯ΘΘ ║
      ────╚╝╚╝╚═╝╰⊙═⊙╯*¨*•🦋🦋
      🌷🌴🏠🌵🌼🌹🌻🏡🌲💒🌳🌸🌺

      刪除
    3. 返埋今日就可以休息兩days喇!實在太好了!😆✌

      刪除
    4. ╭~╮
      ╰╭╯
       O
         o
       ∧_∧・゚
      (。・ω・。)つ━★°*`.
      ⊂   ノ  ☆*¨⊹¸♪*
       しーJ  *♫´¨๑♬.♩·✬
      ❉۩۞۩•ೋஜ╠╣aΡpy週五ഐ✾
      好友☁。゚🌙瞓覺囉🌜甜夢安睡🌛💤

      刪除
  30. 同學仔,咁你咪一年內去咗兩次東京?好羨慕呀

    回覆刪除
    回覆
    1. 如無意外10月或者係11月應該會去多一個地方!😆✌

      刪除
  31. 一見到條1丁目商品街 全部回憶即刻番返曬嚟

    回覆刪除
  32. 寿司好靚, 相信食多也不厭. Gundam Cafe 食品怎樣?

    回覆刪除
    回覆
    1. 我哋冇喺入面食嘢,淨係買咗啲手信返去!😅

      刪除
    2. 築地啲壽司的確係幾掂,但之後我哋去台場嗰間啲嘢就麻麻,大慨就好似元氣咁上下水準,價錢仲要唔算平!👎👎

      刪除
  33. 美空ひばり的歌, 最喜歡這首:
    https://www.youtube.com/watch?v=ZyI_xVDAYHM
    可惜太早過身....

    回覆刪除
    回覆
    1. 我上個月去東京剛好就買咗佢一隻精選集返嚟,遲啲再同大家分享下!😆✌🎧

      刪除
  34. 好詳細的介紹 , 感覺好似去左呢度旅行一樣 !

    回覆刪除
    回覆
    1. 下一輯東京之旅將會更詳盡為大家介紹更加多好玩好食嘅地方!😆✌

      刪除
  35. 見到鐵人28,好感動呢!!

    回覆刪除
    回覆
    1. 雖然我冇睇過呢套漫畫,但見到佢真係有一種好親切嘅感覺。😊

      刪除
  36. MJ嘅歌迷真係遍佈世界各地,D精品全部都好靚呢~👍

    回覆刪除
    回覆
    1. 但實用嘅嘢其實真係唔係咁多!😂

      刪除
    2. 我覺得菲林,掛畫同埋MJ堆造型衫係唔會有人買~

      刪除
    3. 始終大部分都係仿製品,應該唔會有人走去買……😅

      刪除
  37. 係呢~Time Time你買唔買到勤勤ge演唱會飛ar?早幾日千辛萬苦終於都俾我撲到兩張!✌

    回覆刪除
    回覆
    1. 最近有太多音樂要聽,暫時未知有冇時間,但若然最後仲有飛淨嘅可能都會同女朋友去睇,如果賣晒就算數啦!😊

      刪除
    2. 估唔到今次八場嘅飛都去得咁快,上咗一轉我是歌手分別真係咁大?

      刪除
    3. 可能係因為佢太耐冇開個人演唱會嘅關係……🎤

      刪除
  38. Didi你作死呀!!!竟然諗住背住姑姑溝日本妹???😨

    回覆刪除
    回覆
    1. 嗰個紙牌公仔嚟㗎咋!妳有冇眼花呀?😈

      刪除
    2. 妖你隻臭雀呃鬼食豆腐咩!!!🙆

      刪除
    3. 日月天地可做證,我對姑姑嘅愛係十世都計唔完!❤❤❤❤

      刪除
    4. 嘩Didi罕有咁發表愛的宣言喎~~~😲

      刪除
  39. 唉,趕唔切去探高達最後一面添…

    回覆刪除
    回覆
    1. 聽聞佢遲啲都會起另一座高達,但我唔記得咗係邊一隻,因為我本身冇睇過呢套動畫。😅

      刪除
    2. 咁正?唔知幾時先起呢??

      刪除
    3. 新聞話係Unicorn Gundam,會喺今年秋季正式同大家見面。👍

      刪除
    4. 嘩!咁我年尾真係要去一去東京台場先得!

      刪除
    5. 下年先去好似穩陣啲喎……😅

      刪除
  40. 總覺得所有蠟像館都係呃人錢,完全冇去嘅意欲呢

    回覆刪除
    回覆
    1. 呢啲蠟像館主要都係賺大陸人生意!😆

      刪除
  41. 真係好專既模型店, 連銀河鐵路的女主角都有, 有點懷念!

    可樂錢罌?記得早年旺角先達有得賣 ...

    回覆刪除
    回覆
    1. 《銀河鐵路》個女主角張相個地點係中野嚟,只係一座擺設,詳細情況我會喺下一輯東京之旅同大家再分享!😆

      刪除
    2. 我好少行先達,就算係買電話都唔會幫襯佢哋!😁

      刪除
  42. 就算有好多廢老成日話日本人又虛偽又乜又盛,
    但人哋淨係企喺度做服務業嘅D笑容就已經冧死你,
    點似得D港女?一日到黑淨係識得全天候西口西面

    回覆刪除
    回覆
    1. 咁我又會體諒所有做服務性行業嘅人,講真如果佢哋唔係過咗我底線,一般情況下我都唔會發佢哋爛渣……😅

      刪除
  43. 簡直就係收獲豐富喎~~~~~~仲食左咁多壽司~
    不過築地哥間壽司又唔算等得耐喎~真好彩~

    回覆刪除
    回覆
    1. 不過食過一次就算了,如果比我揀多次我會揀去東京車站再食多次!😋

      刪除
  44. 我從未去過築地,關於築地的紀錄片倒是看過一套。
    要買手信,我猜我的選擇與姑姑一樣,會買食材。我上次到日本也買了包昆布。

    回覆刪除
    回覆
    1. 買食材就比較實際一點!😆👍

      刪除
  45. 也許,在米高積遜面前,任何人都不能稱之為巨星。

    回覆刪除
    回覆
    1. 呢段係我今年聽過最啱聽嘅金句!👍

      刪除
  46. 連街市都可以成為景點,真係唔可以唔佩服日本人嘅一絲不苟!

    回覆刪除
    回覆
    1. 咁其他國家嘅人嚟到香港都會試下我哋嘅辣辣魚蛋、牛什同雞蛋仔嘅!😂

      刪除
    2. 應該係柒出香港,儘管有傳佢比日本某間公司收購咗!😬

      刪除
  47. 築地市場其實幾悶下,估唔到台場入邊有咁多嘢玩

    回覆刪除
    回覆
    1. 咁就要睇下你同乜嘢年紀嘅人去,我相信比較年長嘅人應該會對築地市場幾有興趣。😉

      刪除
  48. 很豐富又生鬼,謝謝你的分享.
    前幾從大板回來,看完你的精彩介紹心郁郁都希望去東京.因未去過東京.

    回覆刪除
    回覆
    1. 東京都幾多嘢行㗎!絕對值得去!😆👍

      刪除
    2. 同埋我下年應該都會去一趟大阪!😄✌

      刪除
    3. 想去築地,不果要好早因多人食.
      今次我去了稻荷大神社,去了京都不果無著和服.

      刪除
    4. 但如果唔一早去,到下晝去嗰陣就會有好多鋪頭收咗檔……😅

      刪除
    5. 係呀白行。可能年尾會去,希望成真.

      刪除
  49. 築地呢D只需要去一次就好,反而從來唔知有個地方叫台場仲要喺咁近,多謝你嘅介紹!

    回覆刪除
    回覆
    1. 因為JR本身係冇台場呢個站,所以有好多人都唔知有個咁嘅地方……😆☝

      刪除
  50. 看到這部懷舊唱機,太懷念了。

    回覆刪除
  51. 個壽司師傅公仔好靚呀~
    築地市場d壽司好似好新鮮咁喎~

    回覆刪除
    回覆
    1. 絕對係冇買貴!冇買錯!😬👍

      刪除
  52. 日本東京超多人, 消費真係下下要排大隊.

    回覆刪除
  53. 蠟像館呢D請我都唔去啦!MJ間嘢就幾特別,值得一去。

    回覆刪除
    回覆
    1. 但前個月去台場發覺間嘢搬咗去3F,即係同蠟像館同一層!☝

      刪除
  54. 唉~見到個轉會窗就心酸,近14年,想黎個D球員人地肯放
    但球會唔肯比錢買既實在太多了...祖阿昆..阿古路..施華..馬達..再加埋雲迪克同基達..真係想講句FSG OUT...

    回覆刪除
    回覆
    1. 我完全冇期望利記會買到雲迪克同基達,美國佬根本就唔肯開水喉……😒

      刪除
    2. 諗起當年喺馬達同唐寧之間揀咗唐寧,真係只能講句屌那媽!😠

      刪除
  55. Teddy Kiu 晚上好,
    商品太多,目不暇给

    回覆刪除
  56. 一次過睇曬5篇,寫得好搞鬼好有趣呢,

    回覆刪除
  57. 來東京多次都未有去過台場,築地倒去過兩次,每次都人山人海很熱鬧。

    回覆刪除
    回覆
    1. 除非有機會同老豆老母去東京,如果唔係應該唔會再去築地了……😆

      刪除
  58. 吃唱玩樂樣樣齊全、真係睇見都夠晒過引。見到 Michael Jackson 就想起佢真係很威水的。佢跟佢嘅外父阿貓王一樣、都是憑自己嘅本領在歌壇創造時代嘅人。

    回覆刪除
    回覆
    1. 最緊要大家睇得過癮又盡情!😆✌👍

      刪除
    2. 仲有,如果唔係域兄你提起,我差啲都唔記得MJ曾經做過貓王嘅女婿……😂

      刪除
  59. 啲可樂產品,如果畀森伯老豆見到,肯定買得多…
    去外遊最開心都係食和買,如果買咗把靚刀畀帶出境咩?!

    回覆刪除
    回覆
    1. 我係買咗一把靚刀呀!咪就係上集提到嗰一把細細嘅玩具武士刀囉!😂

      刪除
  60. 東京真係一個寶藏!香港有這個空間嗎?

    回覆刪除
    回覆
    1. 一帶一路黃泉路就有……😂

      刪除
  61. 日本人而家都唔會點去築地,正如你而家喺香港都唔會再食翠華啦[369]
    講真,今時今日築地啲嘢又貴質素又唔係特別好
    只不過當地老闆有錢買曬全國各地的好料
    但真正好料都唔會輸出東京啦,成日就吹東京灣海產係全國第一
    海膽又最好,貝類又最佳,真係呃鬼食豆腐咩?#hehe#
    全日本最污染個海灣又點會有最優質的海產貝類?[fuck]
    計我話,築地市場其實早就已經名存實亡,只係得番個名O:-)

    回覆刪除
    回覆
    1. 呢個我有啲認同,第二次去嗰陣識窿路搵嘢食,我發現其實有好多地方啲嘢都新鮮過佢!😛

      刪除
  62. DECKS Tokyo Beach #good# #good# #good# #good#
    3樓個大型機鋪幾好玩㗎,巴打你下次有機會可以入去試下
    佢哋朝早10點開門,比幾千YEN就可以全日任玩#hoho##hoho#
    有坐喺真車入面玩嘅頭文字D,過山車,大滑板
    仲有好多GAMES玩,玩到攰又可以出去食嘢:P :P

    DIVERCITY冇咗高達之後去嚟其實冇乜意思
    冇地方行之餘入面仲有好多大陸蝗xx( xx( xx( xx( xx(

    回覆刪除
    回覆
    1. 間機鋪我六月同個friend去東京嗰陣終於都入咗去玩!😆

      刪除