2017年5月14日 星期日

Reborn

Blog友們,好久不見!不知道各位過得還好嗎?最近因為要處理一連串的麻煩事,忙著忙著,不知不覺原來我已經把這個園地丢空了一段很長的時間……

在這將近四個月的時間裡,除了如常工作和間中出席一些普通聚會之外,其餘大部分時間我都選擇和外界隔絕,我要讓自己的腦袋好好放空一下,我要把自己的情緒慢慢調節過來!沉澱多時,來到今天,我終於都提起意欲落筆寫文……
長大後,我跟爸爸的感情一向都不是很好,這對於我身邊的家人和朋友來說,已經是一件公開的秘密。數數手指,我們兩父子應該都有接近廿多年沒有認真聊過天,我們吃飯從來都是各自修行,甚至在街上碰到面也會互相感到尷尬,雖然住在同一屋簷下,但我們彼此的距離卻是一天比一天遙遠……不知為何,在我們之間,就總是有一層說不清的隔膜,而在上幾個月,我們這對「冤家父子」更因為一件微不足道的小事情而爆發出一次前所未有的巨大衝突……
其實,我爸爸一直都患有嚴重的躁鬱症,他時常動不動就會對我和媽媽大聲咆哮,有時候可能只是一些很細微的小失誤,他也可以把我們罵得狗血淋頭。不過,和他一樣擁有火爆脾氣的我,多年以來就始終沒有跟他火拼過一次,甚至就連半句話都沒有回過嘴,無論他罵我的理由有多無稽,罵我的說話有多難聽,我就還是選擇默默承受和容忍這一切。我之所以可以毫不猶豫地拋低自己的自尊,原因無它,就是因為一個愛字……我愛他,我尊敬他,同時亦十分同情他過去的遭遇,說真的,三十幾年匆匆過去,他那班妹妹心腸有多惡毒,為人有多卑劣,我又怎會不比他清楚了解?不過話雖如此,縱然你的身世有多悲慘,你也總不能老是活在過去的陰影之下,更不可以任由自己的負面情緒四處爆發,須知道每個人各自都有屬於自己的一條底線,你一旦觸及到那條界線,就算是再強大的愛也會瞬間崩潰,而一些不必要的衝突通常就會由此而起,嚴重的話更有可能會因此而釀成無法挽回的倫常慘案。
不過可幸的是,在衝突發生的當下,我腦海裡面的第一個念頭就是「三十六著,走為上著」,而就當我使出一招華麗轉身並非常瀟灑地離開家門之後,我的第一個問題就出現了!因為當時已經是凌晨兩點多,而剛好我的口袋裡就只剩下一百多元,更倒楣的是,我的提款卡竟然就在這個時候「突然報銷」!就這樣,一個堂堂三十多歲的大男人就頓時變得無家可歸……
迷失在杳無人煙的十字街頭上,我在想,我到底該如何渡過這一個難捱的寂寞夜晚呢?致電給女友將自己現時的情況一五一十的說出來?喂~作為一個男人,要自己的另一半承擔你家的事,這樣好像不太OK吧!到朋友家借宿一宵?嗯~都已經那麼晚,還是不要打擾人家好了!出去找一間酒吧喝個痛快?我身上的錢又不夠買單!於是,當時我就作出了一個非常錯誤的決定,我嘗試找一位親人幫忙,一位我曾經非常信任的親人……
這位親人之前曾因為自身的情緒問題和多次鬧自殺而一度被送往精神病院,在她發病最嚴重的那段期間,所有親人都選擇採取群鳥四散的態度,那時候,就只有我和嫲嫲願意無條件給予她無限量的支持和鼓勵,她前夫致電給我,說沒有人願意接她出院,我想都未想便毫不猶豫地伸出援手,並肩負起這個保護家人的責任。在出院後,她不時就會在WhatsApp發一些「求救訊息」給我,說有某幾位禽獸家人曾多次企圖想迫害自己,她當時跟我說,那班人除了常常到處「宣揚」她會發瘋斬人和誣衊她借精神病騙取傷殘金外,有時還會拉攏其他人一起排斥她、歧視她,弄得她要離家出走在外面坐幾小時來逃避她們,而面對這種情況,我每次都會義無反顧地站在她那邊安慰她、保護她……然而,這一次,終於輪到我本人出現困難了!但這位親人回答我的第一句話就竟然是:「抱歉,我幫不了你!」
很坦白說,當我看到這段訊息時,心裡面確實是有點失望的!因為,我在提出「暫住兩晚」這個要求之後,在這位親人還沒有回覆我之前,其實我很快就已經煞停了自己的「借宿念頭」,並留下了一段留言給她,大概的意思是說:我知道我這個請求可能會造成妳的不便,我想我還是自己再想辦法吧!但想不到,這位親人在看完這段訊息之後竟然就只花了三秒鐘和用了六個字來回覆我,完全沒有想過我的生命安危,既沒有半句關懷,也沒有半聲問候……當時,我腦海裡就只浮現出四個字,就是「情比紙薄」。
在衝突事件發生之後,不消一個星期我就已經找到了暫住的地方。不過,由於當時有不少朋友都不太清楚我的狀況,所以他們就紛紛向我伸出援手並致電問候,這種窩心的舉動除了給我打了一支強心針之外,同時亦讓我感受很深……為什麼一件在別人眼中那麼簡單的事情,作為親人的妳竟然就可以立刻跟我割席?但話雖如此,我自己就還是嘗試站在妳的角度去體諒妳的苦衷,亦沒有在任何人面前說過妳半句不是,只是我怎想也想不到,妳會為了這一件如此瑣碎的事而選擇把我徹底隔離……
自此之後,基本上我每次回去探望嫲嫲都會有各種不同的是非傳到我的耳朵,而說的話就一次比一次難聽,抹黑的事情就一件比一件嚴重。另外,那位曾受過我幫助的親人,除了經常板著臉跟我說話之外,甚至還開始規定我探望的日子和時間。面對這種舉步維艱並處處受制的局面,我一直都強忍著自己的怒氣,為了嫲嫲,我唯有繼續默默忍受這種不公平的對待……直至有一次,那位反面無情的親人給我的一通電話,就把我心裡面僅剩下的一塊親情碎片都徹底打破了! 原來,一直以來只是我多管閑事!原來,人家只需要花一元八塊就能夠買下妳的自尊,還可以讓妳徹底推翻自己之前所說的每一句話!嗯~妳說得對!我之前是不應該接妳出院的!妳和妳的姊妹關係一直都很融洽,是我這個外人經常在離間妳們的感情!妳的婚姻失敗,妳的人生失敗,這一切都是我一手造成的!果然可憐之人必有可恨之處!親愛的姑姐,非常感謝妳,妳這一巴掌,真的狠狠地把我摑醒了!
掛掉電話後,我一個人躲在角落裡不停地哭,想起來,我已經足足有十多年沒有這樣的哭過……然後,把眼淚流乾了,我就下了一個決定,一個可能會令我抱憾終生但我就還是堅持要做的決定!我決定要將這群垃圾人種的聯絡渠道全部切斷,一個不留……
阿奶,對不起,請原諒我的不孝,我作出這個決定實在比任何人都更痛苦!無論內心有多強悍,我始終都不過是個凡人,實在沒法子跟這一群惡毒的女魔頭再糾纏下去!從今之後,我要快快樂樂的去過屬於我自己的人生!我不能再浪費時間在這班毫無血性的人渣敗類身上!其實,每次回去看到您很疲累但又要睜大眼睛去應酬我,然後又完全記不起我是誰,我認為再這樣下去對我們雙方來說都是十分痛苦的!在現階段,我只好每天祈求上天不要讓一個如此善良慈祥的老人家再繼續受這樣的痛苦!夠了!真的夠了!祢到底還要她受多大的苦?祢到底還要折磨她到什麼時候?假若祢是真的存在的話,那為何現時正在受苦的不是那些壞事做盡的卑鄙小人而是我嫲嫲?Hey God!難道這就是一班教徒口中所謂的天理嗎?是否一邊拿著聖經,一邊拿著槍,就可以肆無忌憚的去幹任何事?
封鎖了這班冚家剷的聯絡渠道,整件事情難道從此就告一段落?少年,你真是太年輕了!它們又怎會那麼輕易放過我呢!就單是這一兩個月,我就已經收了十幾個不明來歷的恐嚇電話,另外,前陣子更有人盜用我的facebook account到處去騷擾我的朋友,說什麼我害人全家,又說我需要一筆金錢周轉……說真的,我的facebook之前從來沒有被任何人入侵過,而這種似曾相識又讓人啼笑皆非的寫文風格,基本上我一看便知道是誰幹的惡作劇!Hey~拜託妳們不要那麼幼稚好不好?熟悉我的朋友都知道我從來不會跟任何人借錢,還有,如果要模仿我就麻煩妳們模仿得專業一點吧!別再讓人看笑話了好嗎?
小時候妳們常把我的身世當作娛樂新聞般談論,還誣捏我媽當妓女,因為和我父母多年來的積怨,妳們就天天圍在一起杯葛我、孤立我、打擊我,這些我都算了!到嫲嫲生病,我費盡心思把妳們這群本來已經四分五裂的家庭成員團結起來,但然後怎樣呢?當事情完結後,妳們這班因為我而和好的家人就立刻回復本來面目,除了調轉槍頭指向我之外,還將一些「莫須有」的罪名強加在我身上。某位經常在嫲嫲家裡搞風搞雨的陰陽外姓人,趁著嫲嫲生病這段期間不斷「抽油水」,看到這樣的情況,妳們竟然就選擇䄂手旁觀、助紂為虐。為了滿足自己的操控欲,妳們強迫嫲嫲入教,她已經病到神智不清妳們就硬是要拖著她去洗禮,還叫人將自己親生父親的神位當垃圾丢出街外!當嫲嫲患上老人痴呆之後,她們這班人渣就個個搶著出來扮乖乖女拿光環!曾幾何時,妳們每分每秒都想把我排斥在家庭的圈子之外,並一次又一次背叛我對大家的信任……好!現在我決定要離開了!為什麼妳們就仍是要死咬著我不放呢?妳們這一班禽獸不如的忤逆女是否以為弄死我之後,妳們一直以來所犯下的種種罪孽從此就可以一筆勾銷?哈~我實在不知道妳們的腦袋到底在想什麼!我只知道,從今天開始,我們不是親人,也不是陌路人,我告訴妳們,若妳們膽敢再行近一步的話,以後,我們就將會是一輩子的敵人。
古語有云:家家有本難念的經,受「家醜不出外傳」的傳統觀念影響,有不少人時常都會習慣把一些難以言喻的傷痛(尤其是由家人所造成的創傷)放在心底,然後就用一種壓抑或是否認的方式去處理,哪管他們所做的事情有多過份,我們就仍是要秉承著「隱惡揚善」的精神,無時無刻都要包容對方的感受。我以前曾經都是這樣想,每次被家人狠狠的傷害完,過後就還是會選擇原諒他們。不過,今時今日再回頭一看,我認為中國人這種自以為是美德的荒謬理論其實真是「難聽過粗口」!這根本就是集體催眠、自欺欺人,同時亦會繼續助長一班壞蛋的卑劣惡行。



在我心目中,有兩種家庭成員是最可恨和最死不足惜的!一種是那些不務正業並終日以敲詐身邊至親為主業的至尊無賴,簡單來說就是「梅啟明細胞共同體」。第二種,就是那些每天都在詐癲納福的「裝傻病人」,他們的最大特徵就是經常愛拿「情緒病」三個字來當擋箭牌,然後一個不高興就會把身邊所有愛護和關懷他的人弄得家無寧日,事後還不會有絲毫羞愧和悔意。而最令人費解和諷刺的是,以上這兩種世紀爛人就通常都會成為群體裡面的「受保護動物」。相反,那些一直在背後默默付出的人卻會漸漸被人當成是「例行公事」,有時候更會連一些最基本的尊重都得不到。世間上竟有如此荒謬的事?這一切,是道德光環正在作祟嗎?其實,你們又不是公眾人物,又不是天天有幾十部攝影機在偷拍你們,為何做人還是要那麼偽善呢?是因為戲癮難戒嗎?是盲目地偉大成狂?還是受害受用犯賤犯到被虐成狂?我唯一可以肯定的,就是一再告誡自己切勿再意圖去觸及斯德哥爾摩症候群所設定的「理想國度」 ,不然的話,他們可能就會選擇摧毀你的世界來成全他們的世界。


此外,近幾個月所發生的事,亦讓我得到一個重大的覺悟,就是:對人對事,有期望便會有失望,凡事沒期待,便不會經常有一種從高處墮下來的心痛感覺。今天你拚了命去幫助的那些人,明天一樣可以無緣無故地跟你反目成仇。因此,我們應該要花多點時間去愛惜自己,別讓自己陷入一個萬劫不復的無間黑洞。所有曾經跟我一樣有這種感覺的朋友,我們一起共勉,別一再重蹈覆轍。
上年8月所發生的「鹹水浸全屋」意外,讓我和爸媽終於都下定決心要好好修補這一個霉霉爛爛的家……
由於大部分酒店都有規定是不准養小動物的,所以在裝修期間,我和爸媽就分別去了不同的地方暫住。
來到這個「暫時居所」,我和CoCo都花了點時間去適應這裡的新生活。在沒有電腦又沒有唱片聽的環境下,我每晚放工回家不是跟CoCo玩耍就是拿著手機上YouTube翻看星爺的經典笑片減減壓,然後閒時就吃吃零食喝喝啤酒!此外,每逢假期我還會安排一些「特別節目」給自己,例如是……
到太古城中心參觀讓我們一眾利物浦球迷期待已久的《LFC World》活動。
與女友搭纜車上山頂喝杯咖啡,趁機扮扮上等人……
或是兩個人窩在家中嘆一煲名貴海鮮一品鍋。
受本人影響,姑姑近年亦漸漸變成了一名「邊爐怪」!所以,在她20(+22)歲生日當晚,我就特意帶她去了佐敦官涌閩街一間非常正斗的火鍋店大吃特吃!
在此,真的要衷心感謝姑姑在這段時間的支持和鼓勵!謝謝您陪我渡過這一段人生低潮期,此生能覓得如此伴侶,過兒實在是死而無憾。
除了拍拖、逛街、打邊爐之外,在這幾個月裡面,我還到戲院看了許多部電影……
以下是我對《Miss Sloane》這部電影的一些評價:「全片劇力萬鈞、氣勢迫人,女主角Jessica Chastain就連喝杯水都充滿戲味,演技精湛得令我誤以為世上是真有Elizabeth Sloane此人,但最後,她在Oscar竟然就連一個提名都沒有,可見就算在外國,電影產業被政治生態綁架的情況同樣是非常嚴重。坦白說,我真心認為,她和Isabelle Huppert在Oscar輸給Emma Stone絕對是本年度荷里活影壇的最大笑話。」
事隔21年原班人馬再入迷途,本以為近年經已漸趨商業化的Danny Boyle肯定會將自己的經典徹底搞砸,殊不知這部續集竟然出奇地「正」,這班廢中實在是「冇得頂」!
人與人之間,實在有太多令人失望和沮喪的事情,所以間中也要去看一些勵志片來補充能量。看完這部《街角遇見貓》之後,除了讓我的心情暫時得到平靜之外,也讓我想起自己和CoCo在汽車影院首次相遇的情境。現在回想起來,這一切實在是太奇妙了。貓,果然是世上最有靈性的動物。我很認同片中其中一句對白:「他之所以找你,跟著你,那一定是有原因的。」一轉眼,原來我跟這位伙伴已經共同生活了11年,真感謝我的命運,為我帶來這一個巧妙的安排。
談起CoCo,其實,在整個裝修過程裡面,我認為最無辜的家庭成員就一定是這隻傻貓!記得當我接他到「新居」入住的第一日,他全身都在發抖,簡直是怕得要命,之後還足足有兩天沒有吃過東西……另外,他的焦慮症又再度復發,每晚都不停地舔噬甚至啃咬自己的皮毛……嗚嗚~真是心痛死我了!
你們看!姑姑特意買給他的禮物,他都完全不領情,兩包零食就這樣原封不動放了一個星期……
喵喵~靚仔~你確定你是不會吃了嗎?那我們兩母女就不客氣了!喵喵~
唉~到底幾時才可以回家啊?喵~我很想念爺爺嫲嫲啊~喵~



㗅~不要惹我!我現在㷫過火屎啊!㗅~


CoCo乖~只要捱過這段時間,以後就有好日子過了!
嗯~好吧!有什麼事情就等我睡醒後再算啦!喵~
果然,不到一星期,CoCo就已經完全習慣了這裡的生活!
哼~本大爺餓了那麼久,現在一定要吃個夠本!喵~
㗅~什麼?朕好不容易才適應了這裡的生活,你又想帶我去哪兒?
嘩~經過一輪裝修之後,整間屋就果然立刻有一種煥然一新的感覺!不過,有關事後清潔這個部分,我認為就還是交給一些專業人士去處理會比較好一點!哈哈哈哈哈~
老媽和阿姨就忙於清潔,而我就忙於整理自己的特大CD櫃……
另外,為了徹底治療CoCo的焦慮症,我們就買了一大堆新玩具給他……
我真的好喜歡這個畫面!看著爸媽兩人合力去裝嵌這張屬於我的電腦櫈,實在非常希望這種融洽的感覺可以繼續維持一輩子!在那麼多年以來,我的夢想從來都沒有改變過,其實我的要求並不多,只祈求我們一家能夠齊齊整整、健健康康、快快樂樂的生活下去就好。
呼~終於都回到家了!奴才,你們慢慢弄!弄好就叫醒我吧!喵~
嗨~各位,還記得我嗎?我就是那一隻從東京空運到港的魔人布鳩!在上個月,我家主人終於都替我找到三位新朋友了!
男人的浪漫,男兒當入樽!我們就是最青春最熱血的湘北籃球隊!
Woo~這一支Slam Dunk明星隊果真是陣容鼎盛啊!
Fuck yeah~我們就是粗口橫飛但又風趣抵死的賤熊Ted
呵呵~其實不只是魔人布鳩,最近,就連比卡超都結識了兩個新朋友!
哈哈~雖說這隻小魔人布歐實在是越看越可愛,不過,個人就還是比較喜歡肥布歐多一點!
在整個《龍珠》系列裡面最有型的兩位戰士:還未變廢青的超二悟飯和來自未來的杜拉格斯
小時候的悟空芝芝長什麼模樣,大家還有印象嗎?
我好像從來都沒有跟任何人說過,這就是本人最喜愛的一位動漫女角色,她就是患有嚴重人格分裂的終極痴線婆蘭芝
哎喲~此時此刻,真是百般滋味在心頭……
先生你好,歡迎來到我的魔街理髮店,想弄一個什麼的髮型?彌敦道九號?
嘿嘿~算了吧!我勸你們還是別再白費心機!任你們怎弄,我Tyler Durden都依然會是世界上最有型的男人!
喂喂~有需要弄得那麼像嗎?真是把我笑死了!XDXDXD~

哼!怎樣?我現在擺明就是玩物喪志!你吹得我脹嗎?

嘻嘻~你們以為我家的「新住客」就只有以上這些?其實,外面還有很多位知名人物正準備要搬進來,待我把房間整理好之後,有機會我就一定會將他們一一介紹給大家認識!


人生總有一些事情,在小時候很想做但就沒有本錢,然後到長大後又覺得浪費金錢兼浪費時間……


一轉眼,我今年已經34歲,活到現在,我認為我都是時候要下定決心為自己作出一點重大的改變了!在往後的日子,我真的要好好慰勞一下自己!以後,我想買什麼就買什麼,想飛去那兒就飛去那兒!若再有人刻意去傷害我,不管你是誰,我都會選擇跟你立即斷絕來往!從今天起,我要成為一個以不傷害人為大前提的selfish man。
好!發洩完畢,到此為止!不過,在停筆之前,我就還是要為我的NO.1愛隊利物浦送上最大的祝福!高爸,還有最後兩場「決賽」,我相信你一定可以帶領球隊再度躋身前四的!加油!YNWA!

205 則留言:

  1. 我還以為你不會再寫文章了,又不好意思在facebook問你,看完全篇文,真不想你從此就成為一個selfish man,但無奈現實就是那麼殘酷,記得你之前都不下於數次在你的Blog細數你和這班家人的關係,我想你應該都是時候要徹徹底底的放下這些枷鎖了,Bondi,衷心祝福你。

    回覆刪除
    回覆
    1. 多謝Tina,在認識我的朋友面前,我還是主張報喜不報憂。

      刪除
  2. 你的事情也有些令我身同感受,最終我發覺到,既然改變不了這些人,又沒法使自己委屈接受……
    唯一可做的,我認為沉默不說話就是最大的反擊,即使他或她們會感到不爽,而更去製造壓力迫使被噬的人就範!

    回覆刪除
    回覆
    1. 為咗阿嫲我冇辦法,所以之前先至一直忍讓佢哋嗰啲極度無理嘅要求,但當事情越來越過火,我實在忍無可忍,唯有選擇從此消失喺呢班邪教信徒嘅世界裡面……就算以後見唔到阿嫲我都要堅持咁做!只係我冇諗過,佢哋竟然就連我離開咗都仲依然想整死我同迫埋我入教,有時候,唔係我唔想沉默……或者咁講,對住呢啲走火入魔嘅人渣,根本我就唔能夠沉默!

      刪除
  3. CoCo好惡呀!
    原來你儲咗咁多各式公仔,勁!

    回覆刪除
    回覆
    1. 其實大部分都係呢幾個月買,你話癲唔癲?😂

      刪除
  4. 人生苦短, 要揀你自己想過既日子 ! 對d唔在乎你珍惜你既人, 就要毫不猶豫當佢地垃圾一樣由身邊清除, 唔好俾佢地影響到任何你既生活 !

    回覆刪除
    回覆
    1. Jessica Chastain除咗飲水,仲連刷牙都戲味十足👏🏻👏🏻👏🏻
      你對God是否真存在?去睇"沈默"及"天堂小屋"

      刪除
    2. 其實同一班人講完又講,講完再講,講咗咁多次……我都覺得自己有少少口水多過茶,但無奈我就只可以喺呢度發洩下自己嘅情緒,費事喺現實世界谷谷埋埋谷到病!😥

      刪除
    3. 作者已經移除這則留言。

      刪除
    4. 作者已經移除這則留言。

      刪除
    5. Jessica攞唔到影后真係荒天下之大謬!嗰件Emma石頭識鬼做戲咩?套套戲都淨係識得喺度擘大對死人金魚眼同曬青筋!😠

      刪除
    6. 《天堂小屋》我冇睇過,完全唔知有部咁嘅戲上映過!《沉默》我睇咗,套戲雖然好長但係就意義深遠,我覺得呢套電影係屬於越嗒越有味嘅片種。

      刪除
    7. 講得好,Miss Sloane係我近幾年睇過最正嘅一齣戲,Jessica Chastain D戲不嬲都好,做女強人不嬲都係佢嘅拿手好戲,學你話齋輸畀條Emma Stone真係影壇一大笑話!

      刪除
    8. 情況有少少似某年金像獎DaDa贏金燕玲拎最佳女配角嗰屆!

      刪除
  5. 回覆
    1. 係呀!遲啲有時間會一次過探大家!😆

      刪除
  6. 加油!💪💪💪
    祝假日愉快!🌷🌷

    回覆刪除
  7. 上次件事個真相原來係咁~仲玩埋恐嚇添?😖嘩!呢班人真係衰到冇人用~~👎靚仔點解你仲可以當完全冇事?俾我就已經報左警!!!😡

    我好鍾意你寫斯德哥爾摩症候群果part~非常認同你ge觀點!!!👏呢個世界尤其響一個家族裏面永遠都係壞人當道好人當災~無論你為佢地做幾多佢地都只會當你係老奉!!!😔

    其實Co仔都算好乖好叻仔架啦~咁快就適應到新環境~但係你裝修完之後佢返到屋企係咪又要重新適應?😜同埋,佢兇人個樣真係好鬼得意我完全唔覺得惡~~😍

    睇住d公仔,有好多真係做得好似~尤其係個Brad Pitt!!!😲不過返咁多個入面我都係最鍾意愁愁~😚喂我絕對support你繼續去做自己想做ge嘢~人生係為自己而過~gogogo!!!😉

    回覆刪除
    回覆
    1. 先回妳第一段,唔係我想當冇事,而係我實在唔想為咗呢班垃圾浪費資源!喂~比你恐嚇到嘅嗰啲就叫咗恐嚇,聽完個電話覺得你無聊兼白痴嘅嗰啲就叫做靠嚇!講真,我細個嗰陣已經成日要應付啲收數佬,最嚴重嗰時比人拎住把刀指住我都試過,所以我覺得佢哋真係戇撚鳩鳩食賓周!妖~真係嚇鬼咩而家!😂

      刪除
    2. 回第二段,老一輩嘅人大部分都好鐘意睇埋啲表面嘢,寧願你擺明車馬一邊氹佢一邊呃佢,都唔寧願見到你擺喺個心度錫佢!你喺佢背後為佢做幾多嘢都冇用,佢哋只會將呢啲嘢當成係例行公事!再正確啲嚟講,因為嗰啲人本來就係負分人種,所以稍為講少少好說話就有分加!而一啲冇乜做過錯事嘅人就成世冇分加,做所有嘢都係應份嘅!做完之後,啲功勞同光環就一定係留返比啲比無賴慢慢嘆,靚女我話妳知!呢個世界就係咁X荒謬!😠

      刪除
    3. 再回妳第三段,隻衰貓每次想兇人嗰陣就係咁嘅樣,我啲朋友大部分都怕到佢死,係姑姑咁唔識死成日特登撩佢!其實我明嘅!正所謂:情敵見面,分外眼紅吖嘛!哈哈哈哈哈~😾😂😂😂😂

      刪除
    4. 回埋最後一段,首先多謝妳嘅支持同鼓勵!個畢佬真係冇得唔買!話晒《Fight Club》都係我本人嘅最愛電影頭三甲位置!哈哈~嗰幾隻阿愁我自己都好鐘意,不過最大嗰隻就成日甩啲閃粉出嚟,我而家真係有少少後悔帶咗佢返屋企!😣

      刪除
    5. 哈哈你咁樣講阿愁會好傷心㗎~~😂估唔到貓仔同姑姑原來有d咁嘅恩怨~~😂😂覺得無聊兼白痴就係靠嚇,睇到呢句畀你笑死~~😂😂😂超認同第二段ar~~~👍👍👍

      刪除
    6. 其實我邊捨得揼佢呀!話晒佢都係我第一批買返嚟嘅公仔!😚

      刪除
  8. 兄弟估下我係邊個?2017年5月14日 下午5:15

    好開心睇到你終於肯同班臭閪切割,走上成功第一步,我真係老懷安慰

    回覆刪除
    回覆
    1. 同呢班走火入魔嘅臭閪嘅關係就好似生子宮癌咁!一日唔切割,一日唔使旨意好!🔪

      刪除
  9. 你的家事, 我唔會加把口, 只想講, 做好自己, 但求無愧於心就夠啦

    回覆刪除
    回覆
    1. 我會㗎啦!阿Mo你都要保重!👈

      刪除
  10. 繼續過你想過的人生,其他的都是浮雲

    回覆刪除
  11. 無謂為他人嘅口舌勞氣,必竟你唔係筒佢哋過一世; 過好自己嘅日子/ 生活最重要。加油!

    回覆刪除
  12. 等了又等,狂兄終於有新文章發表,複雜的家事外人很難參與意見,但如果涉及到恐嚇和盗用人户口,那就實在不可饒恕!裝修的確是好大工程,勞心勞力又傷財,但當裝完之後這種滿足又覺得之前辛苦的都值得,剛好我家上年又是大裝修。望到你的figure天地,很羨慕,特別是馬龍白蘭度和阿爾柏仙奴真是型到喊,個侵侵就笑死我,似得好交關,仲有,看完你的介紹,很想去看看槍狂帝國。

    回覆刪除
    回覆
    1. 買嗰陣就好興奮,買完返嚟要諗下點樣安置佢哋就好頭痕!不過我自己就仲有幾隻想買,因為我好想儲齊自己由細到大最鐘意嘅一啲電影角色!嘻嘻~😜

      刪除
    2. 哈哈,又係土地問題,不過我睇你啲玩具裏面好似全部都冇marvel系列..

      刪除
    3. 對Marvel系列裡面嘅所有人物都冇乜興趣……

      刪除
  13. 最後,都祝願你隊愛隊可以打出好成績,雖然我本身唔係利迷,但都好鬼憎曼聯同白果廠!

    回覆刪除
    回覆
    1. 曼聯已經首先墮馬,而家嘅對手就係剩返曼城同阿仙奴,只要做好自己贏埋最後一場波,就可以得到下一季嘅歐聯入場券!✌

      刪除
    2. 如果教第二季就可以帶領呢隊天殘地缺嘅利物浦打入前四,咁我就真係佩服高普佩服到五體投地。

      刪除
    3. 其實大吉利是講句,就算最後入唔到前四我都幾滿意球隊喺今季嘅表現,而家英超已經越來越難打㗎喇!得咁少資金都仲可以同前面咁多隊強隊周旋咗咁耐,真係仲想點呀?😒

      刪除
  14. 雖然對你的家事仍然一知半解,不過人一定要學會保護自己,有需要時要反擊,不能任人魚肉。將所有精神給你所愛的人吧,不愛你的人就say goodbye。幸好你有姑姑和這麼多好朋友。保重!

    回覆刪除
  15. 好耐冇見喇blog主!希望你以後都可以過得開開心心,唔好再理班衰人!有時侯就諗多D開心嘢,啱啱我哋嘅愛隊罕有地作客大炒西咸4蛋,距離前四又近一步,嚟啦!一齊歡呼!YEAH!!

    回覆刪除
    回覆
    1. 作為利迷,你懂的!未到最後一秒都唔好慶祝住!😂

      刪除
  16. WELCOME REBORN TIME IS CHANGING!!
    I wish you a new life, good health, good fortune and luck.

    回覆刪除
  17. 真係無謂同啲爛人打交道,學你話齋,愛惜自己

    回覆刪除
    回覆
    1. 阿嫲喺佢哋手,我之前係迫於無奈先要keep住佢哋嘅聯絡方法。喺阿嫲發病之前,佢哋已經成日激到佢好唔開心仲日日想尋死,其實嗰陣我就已經同阿嫲傾過好多次叫佢搬過嚟同我一齊住。但而家阿嫲老人痴呆,佢哋就更加想滿足自己嘅操控欲導我入邪教,企圖趁呢個機會抹甩晒自己以前做過嘅衰嘢。

      刪除
  18. 希望新環境可以令大家開心,增加感情。

    回覆刪除
  19. 狂兄 歡迎歸來
    首先預祝你既愛隊利物浦可以旗開得勝
    再祝福你可以盡快撥開雲霧見青天 守得雲開見月明
    最後 好想好想你可以介紹多d你既玩具世界 十分期待

    回覆刪除
    回覆
    1. 多謝一龍兄,一定有機會,如無意外下一篇就會有!😆

      刪除
  20. 你的經歷確實令人唏噓,不過,從好的方面看,就是遇一事,長一智。堅毅不屈的精神,只能在這種刻苦情況下才能鍛鍊出來! 祝你事過天清,美好的日子,正在你的前方招手!

    回覆刪除
  21. 狂小子終於番來囉!呢段時間真係辛苦曬你同貓咪仔啦!
    我以前都好鍾意蘭芝㗎,不過唔知點解去到後期佢就完全冇咗影,莫非係鳥山明自己都唔記得咗佢?
    我前排都睇咗迷幻列車2,估唔到又拍得幾好睇,不過之前最靚仔嘅sick boy就老咗好鬼多…

    回覆刪除
    回覆
    1. 應該係鳥山明到後期自己唔記得咗有呢個角色,我印象中佢好似喺某個訪問裡面提及過呢件事,我覺得真係好可惜呀!照理蘭芝呢個角色應該可以有好多發揮嘅空間!😣

      刪除
    2. Jonathan Lee Miller後生嗰陣真係冇得輸,唔怪得Angelina Jolie當年都比佢迷到!👍

      刪除
  22. 所謂家家有本難念的經、其實只屬幻象。因為你有選擇權。當將這部經書拋棄之後、一切煩惱都隨着經書同時被拋棄了!拿得起、放得下、才是男兒本色。你做得對極了!

    回覆刪除
    回覆
    1. 我唔知道我呢個決定係啱定錯,我只知道,如果我再唔放低呢樣嘢,我嘅未來就肯定係九死一生……

      刪除
  23. 個godfather像真度極高,型到一個點,
    打斯路嗰陣悟飯真係好勁,唔知點解後來越嚟越廢,
    去到龍珠超直頭仲衰過路人甲,下下比人秒殺

    回覆刪除
    回覆
    1. 據聞係因為當年鳥山明曾經諗住用大個咗嘅悟飯嚟頂替悟空做主角,但可惜班讀者就唔買帳,而本書嘅銷量仲即刻急跌咗好多,所以佢好快就打消咗呢個念頭,後來仲索性將佢變成一個大茄哩啡……😞

      刪除
  24. 謝謝💞大家💕關心💗祝福
    好友☁是時候瞓覺🌜甜夢🌛💤
    ✨我都要早睡早起🌟去睇神公🌙
     O
       o
     .∧_∧・。◇
     ( ・ω・ )
     |⊃/(___♦°¨*★
    /└-(____/✬・゚☆
    ✾๑۩۞۩*ღೋஜഐ❉

    回覆刪除
  25. 尋晚睇完對斧頭幫嗰場波真係開心到瞓唔著,希望最後一場返主場晏菲路可以醒醒定定踢多場好波,唔好嗰頭請完人食蛋轉頭又做羅賓漢,不過如果主場對住已經一早降咗班嘅米杜士堡都贏唔到,咁我就真心覺得你哋根本都冇資格打歐聯。我成篇嘢睇哂,完全明白你感受,嗰日喺facebook無情白事俾你拉入群組,見你講埋一大堆匪夷所思嘅古怪嘢都知有問題,原來背後真係有人喺度搞搞震,但好彩見你啲朋友個個都好信任你,呢樣嘢大哥你應該好開心先係!

    回覆刪除
    回覆
    1. 你講得好啱,信任係好緊要!喺呢個世界的確唔係有好多人會願意盲目咁撐你同信任你,好多時啲人為咗自保同免得牽涉在內,都會選擇喺呢個時候離你而去……

      刪除
    2. 對利物浦呢隊波只能夠用平常心去對待,唔係嘅話,只會希望越大失望越大……但我都係嗰句,今季能夠同咁多對強隊周旋到而家,我自己嚟講就已經好滿意!

      刪除
    3. 連大哥你咁硬淨都會覺得心淡,睇嚟呢班人嘅邪惡程度應該係達到世界級,如果今年打唔入前四我自己本身就唔係咁滿意,雖然高普喺嚟之前都講過話至少要用三年時間去慢慢buildup隊波,但如果一直打唔番入歐聯,咁球隊就好難買到好一D嘅球員,咁只會不停咁沉淪落去,你都知而家英超已經變成金錢足球嘅集中地…

      刪除
    4. 再慢慢等下啦!不過我覺得一直以嚟最困擾利物浦嘅就始終都係球員嘅傷病問題,講真如果今季文尼、拉蘭拿、軒達臣、史杜甚至係京斯呢班球員可以打足全季,我肯定班波打到而家已經唔使等到最後一場先可以確保前四位置。

      刪除
    5. Ings真係好可惜,我本身一路都睇好佢,記得你之前好似講過話佢好有古治feel,呢種球員根本就啱曬高普何車…

      刪除
    6. 時也命也,估唔到佢嚟到之後會同史杜齊齊去咗文員部……

      刪除
  26. Welcome back !
    原來 Teddy 有一個難忘的故事 , 看來你現在一切都算 OK 了 !

    回覆刪除
  27. 邦邦旱晨! 看到你的家居終於裝修好了,一家人又開開心心地聚在一起了,真是替你十分的高興!
    至於你那班自私自利的魔鬼親屬,是典型的魔鬼化身! 一班很懂得像四川變臉的所謂人,做了違背良心的事都覺得是理所當然的,這就是魔鬼的特徵,只有遠離她們就是了。把她們拋於腦後吧。 祝你和家人愛貓愛人一起開開心心!健康快樂!

    回覆刪除
    回覆
    1. 多謝阿姨,你用四川變臉人嚟形容佢哋實在係太正了!不過我覺得用法輪功好似仲貼切啲!

      刪除
    2. 因為在電視上看過多次的四川變臉,我比喻那些三口兩面,反覆無常,說過的話不認賬,自私自利,很懂得扮好人的陰險小人。
      法輪功未見過呀!沒有什麼認識哩。

      刪除
    3. 都是那種走火入魔的信徒……

      刪除
  28. 以前我和父親關係一直都是緊張狀態,直至我結了婚,搬出了,也因為太太的緣故,關係比以前好好多,直至他離開心世為止,我家裏也有個無所事事,不務正業,只靠我們兄弟姊妹給父母家用而過活的弟弟,不斷耗盡父母的積蓄都算,還經常在家搞事搞非,離間父母之間感情,離間父母子女之間的信任,直至母親在病床徘徊生死邊緣,還在她耳邊講事講非,現在父母不足一個月先後離世,我們都和那個兄弟斷了關聯,所以某程度都明白你的心情.
    但父母還在,好好珍惜(也看到你珍視.)

    回覆刪除
    回覆
    1. 果然大部分嘅家庭都總係會有一個梅啟明細胞共同體!

      刪除
    2. 叮噹兄,之前都有睇過你提及自己嘅往事,希望我哋都可以努力咁去擺脫呢啲陰影,共勵之。

      刪除
  29. 講完有否舒服D?
    你的figures好靚!

    回覆刪除
  30. 歡迎回來,希望你會繼續keep住寫BLOG

    回覆刪除
  31. 好耐冇見la自己友,咁耐冇見原來係忙於裝修同應付班惡毒嘅三姑六婆,雖然係你嘅家事,但係作為你幾多年網友都想俾少少意見你 ! 我覺得當一件事情過咗火位嘅時候,莫講話親人,就算係老豆老母都應該放棄,呢個世界冇野緊要得過你自己,有時候對人對事只要盡咗力同無愧於心就算,呢啲唔係自我安慰,而係你永遠都控制唔到每一個人嘅諗法,正所謂一樣米養百樣人,希望你明白,腦友,YNWA

    回覆刪除
    回覆
    1. 不得不承認,經過呢幾個月發生嘅事之後,我自己慢慢都開始有呢個諗法,多謝貝加兄嘅溫馨提示!

      刪除
    2. 小事一件,好好記住佢哋帶俾你嘅痛苦,你以後自然就唔會再重滔覆轍

      刪除
  32. 其實呢,對西咸之前,我有諗過,如果有朝一日要爭聯賽冠軍,一定要面對好多季尾只可贏不可和嘅比賽,如果真係贏唔到西咸米堡又要等阿記失分先入到頭四就真係算罷啦。不過睇咗咁多場真係唔係好明高普點解死都唔肯搵個前鋒拍史獨踢雙箭,呢套戰術明明係work,點解一直唔用?

    回覆刪除
    回覆
    1. 史杜有態嗰陣,利記根本就完全唔使擔心入波嘅問題,你睇下上場入嘅第一球波,級數就係級數!講真,如果佢唔係成日傷,球隊一早就已經唔使煩前鋒呢個位……但無奈傷得越多,史杜除咗速度越嚟越慢,喺一季入面就至少有一半時間唔見咗人,所以我認為長痛不如短痛,如果佢未來唔肯做後備嘅話,咁不如就早啲將佢賣出去仲好!如果你仲一心諗住搵佢做骨幹球員,咁到時就真係死得人多!

      刪除
    2. 我自己最想利記下季簽嘅前線人員首選就肯定Ajax嗰條新入球兇器Dolberg
      其次就係Lyon嗰件Lacazette,但現實咁睇呢D機會對於我哋嚟講當然係非常渺茫
      就算最後我哋攞到歐聯入場券我都係咁話,一日仲係FSG識揸莊,一日我哋喺買人方面都係會冇運行

      刪除
    3. 簽唔簽到呢兩個我覺得都冇乜所謂……如果打得入歐聯,我對高普買嘅人其實都好有信心,你睇下佢舊年買嘅人裡面基本上大部分都好對辦,就算個靚仔龍門打得唔好,都叫做成功激發咗米仔嘅小宇宙,洗呢幾百萬而家睇返絕對係抵返晒!

      刪除
  33. 睇完成篇文,好同情你ge遭遇,只能講句support you。。
    你屋企隻小阿愁好得意ar,我都好想買隻番去。。^_^。。。

    回覆刪除
    回覆
    1. 隻小阿愁我係喺拍賣網買嘅,轉頭我睇下仲有冇,有就比條link妳睇睇,不過大前題妳本身就要有一個Yahoo拍賣嘅account先!😆

      刪除
    2. https://hk.f1.page.auctions.yahoo.com/hk/auction/1140470995;_ylt=AmlEFphe.QiSK6tITBV2lynKILN8?u=liu604

      刪除
    3. thx u so much。。><。。。

      刪除
  34. 應該都好大機會踢返歐聯,祝你愛隊好運^^

    回覆刪除
    回覆
    1. 未到最後一秒都唔敢慶祝,呢個係我呢類長期利記擁躉嘅通病。😅

      刪除
  35. 我想我是十分明白你感受的,受虐者的權益被漠視和剝奪,這讓我想到,現在社會上充斥婚姻暴力,以我為例,我家裏就有一個這樣的妹妹。她多年來都被她丈夫粗暴對待,不論是行為或是言語上,我每次聽她描述時我都真是覺得匪夷所思,還很義氣的建議這樣的男人,不要了啦∼結果她最後總是會說,哥,都這麼多年了,已經習慣囉,而且當初老公是自己挑的,然後什麼什麼點點點點。每次聽到她的一番理論後,一方面我會為這個妹妹的懦弱感到很氣憤,另一方面又會覺得自己的很豬頭(其實人家根本只是要你當聽眾,你建議個鬼喔)。

    回覆刪除
    回覆
    1. 完全明白呀俗流兄!我阿媽屋企就係有一個成日害人害物兼有破壞冇建設嘅細佬,我哋咁多年以嚟都唔知為咗佢而鬧過幾多次交!每次睇到佢呢個仆街細佬搞到自己啲屋企人雞毛鴨血,我阿媽都總係會迫身邊嘅人包容甚至係縱容佢,仲經常會用一種選擇性失明嘅態度嚟面對,佢嘅口頭禪就係:「我點會唔明白呢個細佬?都冇辦法!話晒都係自己屋企人,你哋一定要接受佢!」坦白講,咁多年嚟唔係我一直企硬,我哋屋企一早就已經俾我抽到乾塘!做咗三十幾年人,我而家終於都明白,原來喺呢個社會除咗有錢佬之外,最惡嘅就係嗰啲詐癲扮傻嘅人,而家個社會一味話要包容呢啲人,其實就只係一班衛道之士自己放唔低個枷鎖,為咗要人哋幫自己打飛機,就要迫其他人去遵守呢條道德界線,但其實咁做就只會助長咗一班情緒病騙子繼續喺個社會度偷呃拐騙……

      刪除
    2. 巴打你呢段留言仲精彩過你成篇嘢[sosad][sosad][sosad][sosad]

      刪除
    3. 我只係講出咗好多人心裏裡想講但又唔夠膽講嘅說話……

      刪除
  36. 真係家家有本難念的經啊!每個家族總會有個敗類, 不過我覺得你好識唸, 雖則你話你火爆, 但我覺得你EQ好高喇!好在去到幾差都好, 身後總有姑姑, 世界上有一個人明白自己已經好夠啦, 何況仲有你班兄弟!仲有COCO!
    我下年都要搬屋喇, 我都要好好安排dingding, 因為佢自從我幾年前去美國開始, 佢每年都要焦慮一次, 個肚仔無晒毛><

    回覆刪除
    回覆
    1. 雖然我一直都唔係好信啲乜嘢風水命理,但係喺呢咁多年以嚟,我就曾經有三個偶然嘅機會接觸過呢方面嘅嘢,而非常巧合地,當中有三個相士就同樣批到我條命係六親冷淡,親人緣非常薄,不過身邊嘅朋友就大部分都會對我好好,喺咁多年裡面,我就係一直唔認命,所以就堅持要同佢哋唱反調,成日事事都以屋企人為先,但去到今日,我真係不得不向命運低頭,我唔可以再執迷不悟喺呢個盲點度,我要把握時間好好珍惜身邊每一個錫我嘅人!

      刪除
    2. 我之前睇過一個網,個網主隻貓貓又係有呢個問題,我一陣貼條link喺度睇下幫唔幫到妳!我自己都努力幫緊CoCo……🙀

      刪除
    3. http://m.xuite.net/blog/pochi.yiyi/cats/16491429

      刪除
  37. 有時有d嘢當面講唔識點講,響度表達可能仲好d
    我覺得你唔係唔識諗,而係反而係太過識諗
    識諗到會幫其他人諗埋,諗下點樣可以顧及曬所有人嘅感受
    其實上面有位朋友講得好啱,你係控制唔到每一個人嘅諗法
    發生咗咁多事,你都係時候要醒,係時候要好好為自己諗下
    幫咗人的確係唔需要期望有回報,但如果有d人反轉豬肚
    你就唔好諗住佢會為你而改過,因為有d人本質就係自私自利
    平時你成日乜都唔講,好在你都識得響呢度舒發,呢個係好事

    回覆刪除
    回覆
    1. 您講得好啱,人哋唔改我自己都要變!其實我一直都知自己個問題喺邊,表面上我就成日都吊兒郎當唔緊唔要咁,實質上我就好在意佢哋每一個人點樣睇我,明知一啲人係衰嘅,但基於血緣關係或者係感情因素,所以就成日都跳唔出世俗嘅傳統枷鎖,因而令自己一次又一次咁比人傷害!講真呀~呢幾個月發生嘅事,真係一度令我有想停筆嘅念頭!因為喺前排我個腦真係完全塞晒,乜嘢都唔想講,乜嘢都唔想提,嗰種失望實在係非筆墨所能形容!但谷咗幾個月之後,谷谷埋埋,我就覺得無論點我都要將呢啲唔開心嘅嘢全部喺呢度發洩晒出嚟!

      刪除
    2. 我支持你繼續寫嘢,難得有咁多人想睇
      而你又可以分享下自己鍾意嘅嘢,對你係百利而無一害

      刪除
  38. 阿嫂講得岩,迪哥唔好唔開心!!!
    學鷲哥話齋,果班全部都係臭雞黎!!!!

    回覆刪除
    回覆
    1. 一集亂倫都冇睇過!但鷲哥爆SEED嘅片段我就全部睇晒!😍

      刪除
    2. 十幕鷲哥爆seed場面!鷲哥:錢呀,臭雞!
      https://www.youtube.com/watch?v=wwHfqnIiHss

      刪除
    3. 睇咁多次都係咁撚有霸氣!鷲哥即係鷲哥!😍

      刪除
  39. 看淡一些事情,是對自己最好的保護!

    回覆刪除
  40. 開心過自己的生活,加油啊!

    回覆刪除
  41. 晚安小子,你終於都番來,希望你今次既覺悟能夠令你再度成長,實實在在咁黎一個真正既reborn,我覺得利記基本上已經差唔多篤定可以入前四,如果成功,高普的確係有料到.

    回覆刪除
    回覆
    1. 多謝山sir!無論利記最後入唔入到前四我都唔會懷疑高普嘅執教水平!👍

      刪除
  42. 謝謝您陪我渡過這一段人生低潮期,此生能覓得如此伴侶,過兒實在是死而無憾,好開心找到另一半,要珍惜^_^幾個月來原來發生了那麼多事,有好多事我們外人真的不理解,但你坦白講出亦是好事,起碼舒發感受,鬱住在心好容易有情緒病的﹗

    回覆刪除
    回覆
    1. 辛苦晒大家,又要聽我吐苦水……

      刪除
  43. 我完全理解你呀,我屋企就係同你一樣有大把呢啲人,好彩我同我男朋友一早搬咗出嚟住,先唔使成日面對佢哋,你以後一定要同姑姑好好咁生活落去,唔好衰畀班人睇,+oil~

    仲有祝福coco嘅焦慮症快啲好返,同埋好期待認識你嘅新房客…

    回覆刪除
    回覆
    1. 多謝妳,如無意外下一篇就有得睇喇!😆

      刪除
  44. 巴打潛左咁耐原來中間發生左咁多事,我想問你個日本之旅仲會唔會繼續寫落去?

    回覆刪除
  45. Teddy Kiu 晚上好,
    真係家家有本難念的經,無論如何切記要保重!

    回覆刪除
  46. 太耐冇見喇~~首先都要祝你安好…
    人生不如意都唔好話八九,係時時都有…人細時你唔會在意什麼,但人漸漸大你就會完全感覺到…呢啲就係老生常談的成長的代價~你家人之間的相處真係冇得轉彎?!
    有時人與人的相處,的確要付出,尤其親人…唔係講為啖氣,容忍,遷就乜三十六計都要出齊…只想關係唔好差落去~~

    回覆刪除
  47. Didi我覺得你已經好有包容ge心~~~唔需要介懷~~~係佢地唔珍惜你~~你之前一直都對佢地咁好~~~你身邊d朋友全部都係有眼見~~~~聽姑姑講~~從今日起好好為自己打算下~~~d唔愛你ge人要徹底切除~~唔好再俾任何機會佢地害你牙~~~~

    回覆刪除
    回覆
    1. 千其唔好再心軟牙~~老虎蟹都要同佢哋徹底bye bye~~~

      刪除
    2. 可能仲會有見多一次嘅可能性,我當然希望唔會有……

      刪除
  48. 等左咁耐狂兄你終於都回歸,我覺得睇左你個blog咁多年..
    大家個感覺已經好似好好嘅朋友,所以對於你最近發生嘅事,我認為我唔洗多講D乜野廢話,只需要同你講聲support u 4ever就得!

    我實在完全想像唔到你會咁迷figure,更加諗唔到嘅係你竟然可以搵到咁多figure神物,特別係個畢佬真係型到完全唔識形容,咁多隻裏面我覺得隻疤面煞星係最神似,搞到我好心急想睇下你其他玩具。

    我自己就極希望利記可以生生性性贏埋米杜士堡保住前四,然後班49000就響歐霸畀阿積士大炒出局,呢個係我最想睇到嘅結果,睇到摩佬同雲膠呢兩條死老嘢墮落我就開心,我一定會幫你地集氣,下季紐記同肥賓就會強勢回歸,到時我地再鬥過!

    回覆刪除
    回覆
    1. 老Blog友,多謝你!點解個畢佬同埋阿爾柏仙奴會咁鬼神似?好簡單!正所謂一分錢一分貨,價錢越貴像真度就越高!不過講就咁講,其實個特朗普都係幾舊水就有交易!哈哈哈~😂

      刪除
    2. 坦白講,紐卡素升班,其實我嘅心情真係非常之矛盾!一方面又好替肥賓開心,但另一方面,我又極之唔想佢同高普正面交鋒,正所謂多隻香爐多隻鬼,下季英超將會更加難打!

      刪除
    3. 我覺得肥賓種算死草嘅打法應該食住klopp,
      隻特朗普幾舊水就有交易?咁真係好抵玩喎!

      刪除
    4. 哈哈~我就係唔想將佢講得咁白!所以我咪話多隻香爐多隻鬼囉!呵呵呵~😆

      刪除
  49. 能夠正式踏出第一步,跟最影響自己情緒的事情say goodbye,對於你來說就是最好良藥。

    回覆刪除
  50. 發洩完了 , 好些了吧 , 所以說 , 在網絡世界上 , 說說自己心裏話 , 不失為一種自療的方法 , 又 , 人總要継續活下去的 , 在不傷害他人情况下 , 讓自己好过点 , 有甚麽比這重要。

    回覆刪除
    回覆
    1. 多謝,真的要講一句:「好久好久好久好久好久不見!」

      刪除
  51. Time Time你終於都番黎la!so miss you!
    過去咗事就唔好諗,你仲有姑姑同一班兄弟仲有我哋支持你!
    你睇下上面有幾多朋友留言支持你,所以…唔好再潛咁耐la!
    黎緊9月勤勤會有演唱會,你會唔會去睇le?新碟你又會買嗎?
    好掛住好掛住好鬼掛住十分掛住非常掛住相當掛住你ge樂評呀~

    回覆刪除
    回覆
    1. 多謝豬仔!九月個演唱會我有時間應該會去睇,CD我唔知佢幾時會出,好似仲未有消息流出……

      刪除
    2. 李克勤慶祝成立30周年專輯《30克》
      一克再輕時刻也令人悸動讓你細聽

      《30克》七首經典結集換上輕唱風格
      《黑膠》克勤 x 6號@RubberBand
      男人的浪漫 一切在心中不吐仍愉快

      《失魂記》記憶留不住爱卻忘不了

      《五十路》公路上的半百愛人

      Tracklist

      黑膠
      五十路
      C3PO
      恭喜你
      給歌迷梁小姐的公開信
      失魂記
      一個都不能少
      30克x 6號@RubberBand

      刪除
    3. 李克勤 – 30克
      編號: EEG1397V1
      狀態: 新商品
      發售日期: 2017/05/29

      刪除
  52. 搏擊會,疤面煞星同教父真係男人的浪漫,呢三部戲都分別擁有全世界最型嘅三位男人。

    回覆刪除
    回覆
    1. 仲有《的士司機》入面嘅羅拔迪尼路,可惜市面上好似冇出到呢個角色嘅figure……

      刪除
  53. 唉...........完全明白你感受 , fb 件事原來係佢哋做 , 又真係幾過份 , 算啦........係時候要改變自己嘅人生 , 做啲自己喜歡做嘅事 , 人生先無白過呢 , 加油))))))))))

    回覆刪除
    回覆
    1. 其實,Facebook嗰件事已經係佢哋所做嘅壞事入面最好嘅一件!哈哈哈~

      刪除
  54. 衰的人, 時間就看得穿, 早遠離好過, 影響健康, 皺紋都多幾條....

    回覆刪除
    回覆
    1. 二十年前已經睇穿晒佢哋,只係一直放唔低……

      刪除
  55. 不要再執著於家人親戚甚麼,人與人之間,合不來的,就是合不來,再努力都沒用,勉強去維繫,受苦的會是雙方。活得開心、自然,才是最重要的。你不好受,關心你的人也不好受。

    回覆刪除
    回覆
    1. 我認為現在已經不是合不合得來的問題,而是那班人心地邪惡,每分每秒都想我們不得好死,跟擁有這種思想的人繼續打交道,到頭來受苦的就只有自己。

      刪除
  56. Time Is Changing,好開心見到你返嚟!
    見你唔聲唔聲,幾驚你以後會唔再寫blog呀~
    見你一直都冇update,我仲不停摷返你啲舊post嚟睇…
    發生咗咁多不快事唔緊要,最重要係睇到有咁多人撑你!

    你介紹嗰堆戲我有時間都會同gf去睇,
    話曬你一直以嚟都係我嘅number one睇戲同聽歌指南,
    喺你上面幅圖咁多套戲入面,我最有興趣睇嘅就反而係思裂,
    好想見識下少年x教授嘅演技,其次想睇嘅就係月亮喜歡藍,
    聽聞呢齣戲嘅導演係王家衛嘅超級fans,
    真係好想知道由外國人拍出嚟嘅王家衛style到底係點?

    最後,祝福你喺裝修之後一切都好,Coco嘅焦慮症快快康復…
    如果你覺得figure會令你開心嘅就買多啲啦!
    但記住要多啲share俾我哋睇喎!記住要密密keep住寫blog呀!

    回覆刪除
    回覆
    1. 多謝晒老Blog友!我其實都幾意外,James McAvoy喺《Split》入面咁出色嘅表現竟然就得唔到任何一個大型頒獎禮嘅最佳男主角提名……

      刪除
    2. 《月亮喜歡藍》只係拍出嚟個feel似王家衛,但喺劇本上我覺得就肯定比王家衛大部分嘅電影都嚟得完整……

      刪除
  57. 有時候,離開就是為了走更遠的路,偶爾離開,不單止是為了回來,也是為了要更珍惜現在。若忽然覺得一路走來太累了,就停下來歇歇吧。加油。

    回覆刪除
    回覆
    1. 6月將會有一連串的散心活動!😆

      刪除
  58. 睇完成篇...只係想講...朋友..我希望你一切安好
    希望你快d走出不開心!!!支持你!加油!
    我非常同意你呢番說話:對人對事,有期望便會有失望,凡事沒期待,便不會經常有一種從高處墮下來的心痛感覺。

    回覆刪除
  59. 同學仔,知道你呢個決定一定係諗咗好耐
    我相信你嫲嫲會明嫁,響之後嘅日子你一定要好好生活去報答佢

    回覆刪除
  60. 作者已經移除這則留言。

    回覆刪除
  61. 我都有個非常父親(已過世!)家庭, 特別提醒聲音過大可能導至一些痛症, 要求醫去!

    人有時無法看到自身的盲點又影響他/其本人需要開解, 如有能力令人多融入、多看顧身邊人的人幫忙最好! ...

    要堅強些, 如常生活, 不要太粗心!

    回覆刪除
    回覆
    1. 我會同情和理解一些無法控制自己的人,但一些詐癲扮傻想讓全世界都遷就他的裝傻病人,以後我都會用冷酷無情的方式來對待他們。

      刪除
  62. 努力啦卜友仔~ 家事嘅野我d外人不宜亂講,不過有時屋企d親人有時仲衰過d朋友,起碼大家都唔會講心底話,各自企係自己果面諗自己。這情況係我兩面d親戚都有咁嘅情況。。。
    利物浦加油,星期日好緊張呀!

    回覆刪除
    回覆
    1. 我都好緊張!辛苦咗成季,食粥食飯就睇今場!

      刪除
  63. 加油啦!大家都了解的,努力!

    回覆刪除
  64. Blog主真係好耐唔見你了!好miss你同貓咪ar~
    估唔到你屋企有咁多咁得意嘅公仔~
    我超鍾意勁鍾意阿愁ar~d頭髮睇落好質感ar~

    回覆刪除
    回覆
    1. 靚係幾靚,但要打理佢個頭啲閃粉真係好麻煩!😂

      刪除
  65. Welcome BACK,最後一場,我查實唔係太有信心,你有冇留意到,米堡雖然降班,但佢地就係聯賽下半板失球最少嘅球隊,同埋佢地降班嘅原因,主要都係因為和波多而出事,所以佢地班波防守力係唔錯的,呢樣正正係利迷最擔心之處。希望史獨同古仔可以keep住個勇態入多幾粒啦,打到最後呢啲時間,個個都莫哂氣,係要靠個人質素食糊㗎啦!!

    回覆刪除
    回覆
    1. 希望史杜可以再接再厲入多幾粒,正所謂養兵千日用在一時,傷咗大半季都係時候要好好回饋返球會喇!😆

      刪除
  66. 好....久不見
    你的家事不斷煩擾加上麻麻老人痴呆症加深,種種原因你要和她們斷絕來往。
    家家有本難念,只要你覺得這刻要割斷關係,其實理解,做你自己開心的事,相信愛錫你的麻麻會開心雖她已忘記許多事情。
    祝人與貓精神開朗reborn

    回覆刪除
  67. 巴打呀巴打,你終於都肯返嚟囉
    我仲以為你要等到你隊猁下季打歐霸先肯返嚟[sosad][sosad]

    印像中呢班親戚同你喺呢咁多年嚟都好多瓜葛
    你今次講得咁決絕,佢哋應該係做咗一D傷害得你好甘嘅事
    我覺得有時候做人真係要自私一D,一世人流流長
    有D人真係唔值得你留戀嘅就眼尾都唔好望佢
    你得閒同姑姑搞下姐弟戀同唱下膠歌畀我哋聽咪幾好
    其他嘢好心你就咪鬼理咁多啦,大愛左膠唔係咁易做㗎[sosad][sosad]

    喂,你D figure show曬hand未㗎?拎多D出嚟同D老友分享好喎#hoho##hoho#

    回覆刪除
    回覆
    1. 仲有大把未拎出嚟,得閒再同大家分享下!😆

      刪除
  68. 我幾時都話巴打你聽歌同睇戲嘅品味係全香港blogger裏面最撚高#yup##yup#

    槍狂帝國真係好撚好睇,成套戲除咗幾秒動作戲之外幾乎全部文戲
    但係完全冇悶場好緊湊,唔明imdb因乜得6.幾分?:o):o):o)

    JC好撚有型,完美carry多套衫,將班擁槍撚好似撚狗咁撚
    呢種女人應該男人都驚,除非你強過佢,演到咁撚精彩
    竟然就1個獎嘅提名都無,想問Oscar係咪痴撚咗線?:o):o):o)

    回覆刪除
    回覆
    1. 我覺得Jessica Chastain遲早都會攞一次奧斯卡影后,只係睇下幾時先排到佢……

      刪除
  69. T2好多幕都呼應番第一集,睇完好乸滾動
    尤其係廁所俾車撞同埋renton sick boy喺草坪偷望果下
    不過Ewan Mcgregor以前真係勁有味道,而家就變咗中佬[sosad][sosad]

    其實公平D講T2肯定好難超越第一集
    但佢嘅呼應都算做得好好,有好多嘢都可以諗返同第一集嘅關連
    而音樂配合剪接水準亦都保持到,但感覺上第一集就多D indie音樂#yup##yup#

    我自己就好鐘意Spud寫故仔果part
    用廁格場景開始最後一戰又好有意思,如果講邊個背叛邊個其實就好多餘
    因為本原著小說講到故事最後其實點都會走上背叛呢條路
    只係差在邊個會行動先,今集Spud就可以話做咗個最重要同有意思嘅決定
    就係決定簽紙俾條女拎晒D錢走,基本上條女嘅作品係襯托令佢哋嘅友情重拾信心#hoho##hoho#

    至於條巴閉......都係送返佢入監獄好D,俾呢種人留喺身邊只會累死你:o):o):o)

    回覆刪除
    回覆
    1. Sick Boy同巴閉變化先大,Ewan Mcgregor而家話晒都係荷里活一線男星,點都會執執自己個儀表。但Sick Boy……坦白講,當年睇《迷幻列車》我覺得最靚仔就係佢,點知咁快就變咗個中年大叔……

      刪除
  70. 家家有本難念的經、Teddy 要保重身體!開心過自己的生活,加油啊!

    回覆刪除
  71. 人生有高潮低潮, 不用怕, 否極泰來.

    回覆刪除
  72. 保重,最緊要保持自己嘅well being

    回覆刪除
  73. 作者已經移除這則留言。

    回覆刪除