2015年11月10日星期二

台灣の旅第一回:我是掃街茂

由於本人最近都在忙於為家裡進行年度大掃除和大整理的關係,
所以一直要等到現在,才有時間和各Blog友分享我的10月台灣之旅。
這一次的台灣遊記我會將它分為三個部分:
第一篇主要是介紹當地一些知名的特色美食,
第二篇我會帶大家走入一個充滿喵星人的小村落,
至於第三篇則會總結一下自己在今次旅程入面所得到的一些收穫、感受及回憶。
好!事不宜遲!台灣の旅第一回馬上就要開始囉~Are You Ready?└(=^‥^=)┐
南無阿彌陀佛~來到機場又怎能不去參拜一下這一座沙甸佛呢?
嗯嗯~看著看著就餓了……在上機前,就先來吃個早餐填填空虛的肚子!
I believe I can fly~I believe I can touch the sky~Taipei!I am Coming!
這是是日的飛機餐,還算可以吧!嘿嘿~
坐了將近兩小時的飛機,再經過一個多小時的車程,我們終於抵達台北京站國際酒店
時間是不會等人的!放下行李,立刻去覓食!第一站我倆就來到人來人往的西門町……
這間《繼光香香雞》雖然在旺角都有分站,不過我就一次都沒有試過。
呵呵呵~香噴噴的炸雞和炸魷魚來了!吃下去超級惹味呢!
比較美中不足的是他們的雞炸得有點乾,而且還有不少碎骨。
消滅了兩袋邪惡炸物,我們就來到這一間擁有30年歷史的《阿宗麵線》。
別小看這碗麵線啊!它可是曾經被一眾日本觀光客票選為「去台灣非吃不可的十大台灣美食」之首!
天氣這麼熱我那裡通通不想去~舌頭一直舔~因為我想吃冰淇淋~
這裡的雪糕分抹茶、北海道鮮奶和綜合(抹茶 + 鮮奶)三種口味,
這次我們就選了雙方都十分喜愛的抹茶口味來試試看。
享受完一杯透心涼的抹茶雪糕,
再喝一杯我好兄弟華Dee重點推介的蜂蜜苦瓜汁,正啊!
當我一個人在享受這杯苦瓜汁時,姑姑已急不及待開始她的「手信選購大行動」。
買完手信,我和姑姑就離開了西門町,之後去了一個非常著名的美食集中地 - 士林夜市。
What?站在士林夜市中心呼喚MK?( ̄∇ ̄)
逛了半小時,有點口乾,就隨便找個地方買點冰凍飲品解解喝吧!
青蛙下蛋是什麼東東?我跟姑姑都不知道!
我只知道這杯東西是會喝上癮的!天啊~怎麼會那麼好喝?
嘩~嘩~嘩~有好多好多好多好多碗花枝燒啊!
不只是花枝燒,這兒還有許多不同種類的炸物,例如是炸魷魚、炸蝦乾和炸蟹仔。
這是萬聖節的限定食物嗎?怎麼看起來像是一隻隻魔鬼の手似的!
坦白說,士林這邊所出產的花枝燒味道只屬一般,真有點失望!
姑姑,過兒內急,需要暫時離開一下,接下來是您的私人掃街時間。
跟各位介紹一下,這是大埔小龍女最愛吃的五大台灣小食之一 - 潤餅捲。
咦~那邊人頭湧湧到底所謂何事?哦!原來是為了一嘗那些熱辣辣、香噴噴的羊肉串燒!
看起來好像很可口呢(流口水中……)!⊙_⊙
你以為你匿喺度就搵你唔到咩?冇用㗎!又係燒粟米咁橋,一早知你係谷德昭!
老實告訴大家,其實我一向不太喜歡吃燒粟米,
我始終認為……粟米是一定要連衣烚才是最正宗的!誰有同感請舉手!
喂~姑姑!怎麼您喜歡吃的東西都總是那麼heavy呢?(^_-)
嘩~只是光看圖片我就覺得很飽啦!哈哈哈哈哈~
登登登登~這就是大埔小龍女最愛吃的五大台灣小食之首 - 火焰骰子牛!
嗚嗚嗚~好想試一粒啊(皮膚敏感不能吃……)!ToT
呼~大解完路經這個檔攤,真想試試他們的麻辣鴨血!
可是為免皮膚病復發,還是不要吃好了!
今晚的飯後甜品吃什麼好呢?嗯~不如就將這些造型極之可愛的雞蛋仔打包回去吧!
Oh~距離尾班車到達的時間只剩下不到一個小時……
我們一定要抓緊時間趕快去逛逛士林市場才行!
所謂的龍珠麻雀賓果究竟是什麼?那我就不太清楚!
唯一可以肯定的,就是這間舖的老闆真的很像超級撒亞人。
經過市內的釣蝦場,不知為何就讓我想起旺角的金魚街……
說時遲,那時快,正當我還在到處亂逛時,
姑姑經已找了個地方坐下來正在嘆茶了!哼!
Woo~這間《陸羽茗茶》的凍頂烏龍確實是一級棒啊!讚!
看到如此極品靚茶,是必須要買點回家孝敬老爸的!
喝完茶,買完東西,都是時候要打道回酒店了!
在離開前看到一塊寫著「B1美食區」的入口指示牌,
但可惜我和姑姑手上已拿著好多好多的宵夜。
這是台灣の旅第一天的宵夜!(先旨聲明,有八成以上的食物都不是我的……(-_-) zzz)
看!這些是剛才所買的雞蛋仔!是不是很Kawaii呢?
靚女咪郁!而家要抄妳牌!我命令妳即刻同我返上床!唔使急,最緊要快!
來到台北的第二天,我們就約了一班林志炫歌友到《星聚點》K聚,聊得好不愉快,
K聚結束後,我們就到TICC欣賞了一場讓小弟感到畢生難忘的演唱會。
演唱會於晚上十時四十分完結,
散場後,我和姑姑就去了昨晚沒有機會逛到的「士林市場B1美食區」吃晚飯。
區內食肆林立,種類繁多,令人食指大動,眼花撩亂,最終我們就選擇了這間《士林好記》。
海鮮湯麵、蚵仔煎、醬拌螺肉、椒絲蒜蓉炒通菜
這是《好記》的招牌烤魷魚(每份售100元台幣)。
這個是烤鮑魚菇,每份的價錢同樣是100元台幣。
這個是烤鮑魚,值十個Like(每份售200元台幣)。
這罐台灣啤酒連Jolly Shandy都比它有酒味。
第二天旅程完畢,再見了士林夜市!有緣再會!
吃飽飽,睡一覺,轉眼就來到台灣之旅的第三日……
今天的行程頗為緊密,你們看!我就連早餐都要在車上吃!
在一個小時的車程途中,我們經過了好多地方,首先是緊鄰菁桐車站的菁桐老街……
「孔明燈高處未算高~提筆將素願回告~求天把歲月回報~」
說到放天燈就會想到平溪,來到平溪就肯定會看到天燈!
哎喲~肚子有點餓,又來到出去覓食的時間了!
什麼?又是花枝燒?難道你們不會吃得膩嗎?
嘿嘿~覺得膩不膩只是其次,
重點是十分的花枝燒真是比士林那邊好吃多了!
吃完花枝燒,我們就去了十分車站鐵道旁的《十分切仔麵》吃東西……
姑姑在吃的是鎮店之寶切仔麵,而在我面前那碗就是該店的另一招牌粿仔條。
吃過午餐,我們就乘車繼續往目的地進發,
但是,在乘車途中竟給我倆意外發現一個很有趣的小村落,
更讓我和姑姑滯留超過兩個多小時!欲知後事如何,且看下回分解!
幾經轉折,我們總算到達了目的地 - 九份老街。
走進九份老街沒幾步路,我們就發現到這間擠滿客人、坐無虛席的60年人氣老店《魚丸伯仔》。
這是店裡最出名的魚丸湯,味道還不錯啊!
喝完魚丸湯,行了沒多久,我們很快又被這間小食檔飄來的陣陣香味所吸引……
在整個台灣之旅入面我倆總共吃了多少隻魷魚?答案是多到數不完!
說到九份必吃小食,當然就不得不提這間位於豎崎路5號的《阿柑姨芋圓》啦!
一邊吃著芋圓,一邊俯瞰東北角海岸的美景,絕對是人生一大樂事!
吃完芋圓,再四周圍看看還有沒有什麼手信可以買,實行作一個最後衝刺!
離開九份之後回到酒店放低手信,接著我們便出發往下一個目的地 - 饒河夜市。
來來來!香噴噴、超嫩滑的爆漿黃金雞腿捲!NT$50一份!NT$50一份!
別看這條雞捲好像平平無奇,吃過一口保證你會立即愛上它!

品嘗完超好味的雞捲,再來一份香Q北極螺 + 一口鮑!
天啊~實在太好吃啦!簡直是人間美味!好想再多吃一份啊!
如果大家想吃到平價又大碗的足料海鮮羹,
就要好好認住這間位於饒河街235號的《北海魚翅羹》!
除了海鮮羹和魚翅羹之外,我還想誠意推介這兒的什錦冬粉,口感極佳。
「呢個世界上,有精仔、有懵仔、有叻仔、散仔、賭仔、重有戇居仔~
有衰仔、有好仔、反骨仔、癲仔、蠢仔重弊過敗家仔~」
遠處傳來一把相當熟悉的聲音,仔細一聽……哦!居然是歌神許冠傑的首本名曲!
人在異鄉,聽到這首70s的粵語經典,
真是有一份說不出的親切感!於是,我就幫他們買了一份鮭魚手卷。
吓?烤生蠔大特賣?真的假的?
嘩哈哈~這次真的是賺到了!
眼超超,夠膽就整返碌大鵰燒!但很遺憾的是……
鯨吞了那麼多隻生蠔,我們的肚子已經放不下它們了!
這幾天分別去了台北多處地方覓食,
當中最讓我回味的就是這條街!位於台北市松山區八德路四段的饒河觀光夜市。
吃了那麼多東西,睡前真的要吃點水果和喝點健美茶來幫助消化。
歡樂嘅時光過得特別快,又係時候講Bye Bye喇!
一眨眼就來到台灣之旅的最後半day!
那天我和姑姑早上七點就起床梳洗並整理行李Check Out,
再把行李寄放在酒店,然後就出去吃早餐和四處逛逛……
這間位於忠孝東路五段173號的《Dante咖啡館》的早餐份量還真豐富,吃完感覺幸福滿滿。
一場來到台灣,又怎可以不逛逛當地的唱片舖呢?
身為利迷,沒有吃過《Subway》又怎說得過去呢?嘻嘻~
哈哈~我又飛啦!Goodbye Taiwan!明年再見!
一落機回到家,你們第一件事會先做什麼?
洗澡?打開行李整理衣服?和你/妳的貓貓狗狗來個深情擁吻?
我自己就比較古怪,一回到家,我第一時間想到的就是……入廚房煮個叉燒丁麵。
台灣の旅第一回:我是掃街茂(完),To Be Continued……

170 則留言:

  1. 妖,睇完你呢篇,好想即刻飛去台北再食過

    回覆刪除
  2. 睇完成篇野已經滯晒, 真係恨不得生十個胃. 好想知知道你是否吃齊圖片所示所有食物. 大鵰燒夠晒破格, 是否朱古力? 比較起來, 台灣開通好多, 香港可能禁賣, 有都唔好意思買.

    回覆刪除
  3. 唔去掃街又點算去過台灣呢 ;)

    回覆刪除
  4. 台灣掃街嘅小食又同香港完全唔同風味!

    回覆刪除
  5. 哈哈!你呢次台灣之旅俾我嘅印象得一個字,就係食~食~食~ 之後都係食~食~食!

    回覆刪除
  6. 我都知「搵食」艱難啊!
    辛苦嗎?哈哈,我都想幫下你。

    回覆刪除
    回覆
    1. 平時成日去你個Blog偷食,今次當然要乘機回禮啦!( ´▽` )ノ

      刪除
  7. 大吃大喝真是人生樂事,最多回來食清淡D

    回覆刪除
  8. 吃個不停之旅, 手槍雞旦仔很好玩喎! XD
    阿宗麵線我都吃過, 香口 ...
    有沒到維格買風梨酥、綠豆酥呢?

    回覆刪除
  9. 嘩, 果然有掃街茂本色.....勁喎!
    我都鍾意飲蜂蜜白苦瓜汁 , 正呀

    回覆刪除
  10. 阿宗麵線真係冇得輸!!

    回覆刪除
  11. 相當精彩的遊記,令人食指大動!十分期待你的台灣之旅第二輯。

    回覆刪除
  12. 睇佐甘耐,我d口水就流佐甘耐,更慘嘅係有得睇無得食.... 你於心何忍吖~

    回覆刪除
  13. 食力果然驚人XXD
    鮑魚吸引

    回覆刪除
  14. 2003年吃過《阿宗麵線》唔係我碗麵囉。

    回覆刪除
  15. 你地係咪餓咗3個月先去架XDD
    青蛙下蛋即係檸檬愛玉,我都好鐘意飲
    玉林好亂,饒河好少少,九份果條食街最乾淨

    回覆刪除
  16. 個人最愛是饒河夜市, 肉骨茶, 三星蔥餅, 胡椒餅都好食.
    我每次去台北都狂食魷魚, 因為便宜又好吃, 其中最好味的, 是在淡水吃的原隻燒魷魚.
    粟米, 我也是喜歡水煮的, 在西門町買過燒粟米, 我覺得都幾難食.

    回覆刪除
    回覆
    1. 去過幾個夜市,我都係鍾意饒河夜市

      刪除
    2. BBQ:台灣啲魷魚真係超好味!燒粟米其實都係我女友食多!我自己就只係咬咗幾口……

      刪除
    3. Ruby:睇嚟饒河真係好多香港人嘅至愛喎!

      刪除
  17. 人哋係覓食台北,你係。。。「狂」食台北???

    回覆刪除
  18. 睇到入廚房煮個叉燒丁麵果度笑死左!

    回覆刪除
  19. 咁多種台灣地道小食,骰仔牛係當中最好食ge,呵呵

    回覆刪除
  20. 咁賤格ge d人?襯人唔知響我背後做埋d咁ge白痴野

    回覆刪除
  21. 慕名去食阿宗麵線好失望,而鴨舌就因為連埋氣管嘅模樣,感覺不好受而不敢吃。

    回覆刪除
  22. 咁多人喜歡食生蠔,不知道連蠔肚內的髒物都吃進境己的肚子裡去。 又煎又炸,偶然吃吃都幾好 !

    回覆刪除
    回覆
    1. 更正︰是「自己」,不是" 境己" 。

      刪除
    2. 我都係偶然吃吃,正所謂少吃多滋味,多吃壞肚皮!

      刪除
    3. 尤其係我呢D腸胃咁差嘅人……(^_-)

      刪除
    4. 熱過炸過嘅生蠔都比較好,如果監生吃,我就唔敢食嘞。
      我們煮蝦之前,師傅教落︰都係要先挑去蝦腸。可是從來冇人話要去除生蠔的髒物,可能是難於清理。聽說生蠔是男士補品,於是係乜都好啦,吃了才算。

      刪除
    5. 但無奈熱過炸過的生蠔真的不好吃呢!(^_-)

      刪除
  23. 哈哈服咗你啦Time Is Changing!連寫篇飲食遊記都可以寫得咁精彩!

    回覆刪除
  24. 好正!我都好鐘意食花枝燒同飲青蛙下蛋架,超期待下一篇貓神傳說…

    回覆刪除
    回覆
    1. 一眾貓貓仍在熟睡中,要稍等一下……(^_-)

      刪除
  25. 饒河夜市D野真係好好食,每次遊台北必去!

    回覆刪除
  26. 我真係瞓遲D都要睇你掃街呀? 真係勁犀利呀! 我上星期走馬看花有事走了一轉, 我個女兩公婆, 食到不易樂乎, 影相我睇到都飽; 但比起你真的追唔上呀!!! 我就八點後不進食, 所以冇我份, 見佢哋個樣真係飽到過隔離, 但都係你最勁喇! 叻叻呀!!!

    回覆刪除
  27. My L♡VE Friend Gღღd Night ・。。゚Zzz
     ∧_∧。・゚゚・。。゚☾°¨✫♦✬*☁ ・゜✾+.⊹º✫
    (。・ω・。)つ━★・*。¤`。❉╠ ╣ a Ρpy週五黎
    ⊂   ノ    
     しーJ 

    回覆刪除
  28. 嘩你地好擦得好犀利ar。。。^_^。。。
    另外睇完你介紹好期待你下一篇。。(>﹏<)。。。。

    回覆刪除
  29. 早晨,Teddy!
    吃在台灣超贊啦!

    回覆刪除
  30. 美食多到流口水 , 好久冇去台灣 , 以前士林隨街賣香腸 ,
    現在就多款美食 , 我喜歡烚粟米 , 加上牛油 , 清甜爽口好食 !
    烤鮑魚 10 隻 $100 , 真是太平了 , 希望好快可以去台灣一次 !

    回覆刪除
    回覆
    1. 我都好希望下年可以抽時間去多一次!└(=^‥^=)┐

      刪除
  31. 我去親台灣一定會食炸雞同花枝燒,Time Time,睇到你用支雞蛋槍指住你女朋友真係笑死我哈!

    回覆刪除
  32. D雞蛋仔!好Kawaii呢!
    《北海魚翅羹》又平又足料...正!

    回覆刪除
  33. 嘩.............食咗咁多嘢 , 想唔肥都難啦 , 咔咔~!!
    我好懷念九份最好味嘅...............臭豆腐 , 點解唔見你食嘅 ?

    回覆刪除
    回覆
    1. 因為臭豆腐同榴槤、豬潤、鵝肝、芋頭就係本人討厭嘅五大食物!(^_-)

      刪除
  34. 煮個丁麵呢下好有男人的浪漫feel,十分好耐之前去過一次,入面D人好似完全未進化咁粗魯到PK,唔知而家仲係咪呢?

    回覆刪除
    回覆
    1. 一樣,我買杯嘢飲都無情情被個大嬸鬧同串,不過為免影響我旅行嘅心情,我就選擇唔同佢計較!

      刪除
  35. 去台灣好抵玩,您肥了多少磅?

    回覆刪除
  36. 睇完成篇精彩台灣美食遊記, 都服咗你啦 .......... 已經滯晒 !!

    回覆刪除
  37. 響台灣都聽到Sam Hui既歌,證明歌神對粵語樂壇既貢獻真係無人能及.台灣食物我最愛魯肉飯,多年來始終如一.

    回覆刪除
    回覆
    1. 正所謂音樂無國界,有好多台灣人其實都有聽好多廣東歌,而當中Beyond嘅歌就一定係最多人認識!

      刪除
  38. 行情豐富,色香味俱全.

    回覆刪除
  39. 士林夜市多嘢食但晚上太人擠、九份一面行山城一面搵嘢食、西門町有點像旺角、但我最喜歡的還是老街嘅花生糖。

    回覆刪除
  40. 狂小子你寫得好生鬼抵死
    成篇野色香味俱全 真係要俾個讚你

    回覆刪除
  41. 好充滿的旅行, 令人開懷

    回覆刪除
  42. 好想快d睇到你既第二回牙~

    回覆刪除
  43. 很好的旅遊飲食指南,save起來就不用花錢買旅遊書,很有用,謝謝。

    回覆刪除
  44. I love Taiwanese food ! !
    Beef noodle soup & Glutinous oil rice is my favorite !!

    回覆刪除
  45. 入黎就係諗住講阿宗麵線[sosad]
    d大腸好入味好濃好正:P :P
    另外,西門町間美觀園食日本野唔錯,平靚正 #good#
    仲有西門捷運出口附近有間舖賣楊桃冰,好撚好飲[bomb]
    台灣繼光香香雞好食,我係淡水同西門町都有食,佢炸個D菇好撚好食^3^

    回覆刪除
    回覆
    1. 去到台灣都食日本嘢,實畀條女笑死,所以我就只係食咗一份手卷咁大把!

      刪除
  46. 士林大香腸,大屌燒#good# #good# #good#
    千其咪食豪大大雞排好撚難食:D:D:D
    另外,士林地底有一千零一間鐵板燒,
    過癮在口係正你面前整,仲一路熱住野食,我覺得幾好食:P
    大佬,食一個鐵板扒先係hk$28,重有面包,湯,飯,意粉同飲品都係任食[bomb]
    BTW,士林夜市其實都幾撚污糟,而且好撚多人[sosad]
    分分鐘迫過女人街. 不過裡面真係好多野食#yup#

    回覆刪除
  47. 九份十分兩個地方都係去過一次就唔想再去,
    都係旅遊區,都係買野多,冇咩野睇[sosad]
    十分都係去瀑布,青桐等之類的都係咁,好鄉下,都係返台忠去淡水近近地好d[sosad]
    不過九份真係幾靚既,有時間既話係果度住避下世都唔錯[sosad]
    BTW,其實我去九份反而係因為九份的咖啡店同埋九份咖啡店,但係間咖啡店冇左啦:~(:~

    回覆刪除
    回覆
    1. 其實我個人真係好冇情趣,我對啲乜嘢風景同名勝古跡其實認真係冇乜興趣!我只係會比較在乎當地嘅美食或者係佢哋嘅音樂同電影文化,例如係行下佢哋嘅唱片舖、影院同歌劇院……(^_-)

      刪除
    2. 知就好,你話我幾偉大

      刪除
  48. 饒河+1 #yup# #yup#,去過幾多感覺野食最好味係佢:P
    個人認為講食野,饒河街仲好過士林,佢有一檔油飯世界級[bomb][bomb]
    仲有食過一個叫"刈包"既野,好好食仲要只係15蚊台幣#yup##yup#

    回覆刪除
  49. 真係好堅,吃左咁多條街,你介紹間炸雞我響旺角食過,個人覺得麻麻

    回覆刪除
    回覆
    1. 旺角嗰間長期企滿人,搞到我完全冇意慾去試……

      刪除
  50. 好詳盡…thx巴打…

    回覆刪除
  51. 華~~~真係食左好多野喎~~~~~
    我都覺得饒河街夜市好正!!!!

    回覆刪除
  52. 很豐富的台灣遊記,靜待你的part2 & 3。

    回覆刪除
    回覆
    1. 最近很忙,恐怕part 2、3要晚一點出爐……(^_-)

      刪除
    2. 希望可以趕及在今個月推出!(^_-)

      刪除
  53. 好癲好犀利!入去煮個麵,笑左出黎!

    回覆刪除
  54. 你的人生十分快樂! 好想吃, 吃到五份一都開心! Yeah!

    回覆刪除
  55. 盡情吃喝暫時忘憂,真替你開心。

    回覆刪除
  56. 看得很盡興,謝謝分享!

    回覆刪除
  57. 兄弟估下我係邊個?2015年11月18日 上午12:19

    多謝你D手信,好食到唔停得口!

    回覆刪除
  58. 個人認為饒河 & 寧夏係台灣最正ge夜市,基隆同桃園都好..

    回覆刪除
  59. 其實食...都係旅遊外地的主要目的~~
    畀我去完旅遊,返到屋企即刻--沖涼大覺索...哈哈

    回覆刪除
    回覆
    1. 我都好想立刻沖涼大覺瞓,但唔知點解個人好自然咁走咗入廚房……⊙_⊙

      刪除
  60. 你同琪琪番黎重左幾多磅 ???? haha~~~

    回覆刪除
  61. 饒河夜市那邊美食超多的,我最愛他們的平價牛扒食到飽,哈。

    回覆刪除
  62. Woo睇完好想立刻飛去台北一轉瘋狂掃街 !

    回覆刪除
  63. 題外話 , 家陣真係已經對史獨冇哂期望啦,踢一場傷十場 !
    而家真係只望佢出嚟入一入波,贏返幾分先好再傷 …

    回覆刪除
  64. 我大飽眼福了! 台灣真是美食天堂呀!

    回覆刪除